Торгуулиа төлөөгүй нь эрх хасах үндэслэл болох уу?
2025 он гарсаар торгох шийтгэлийг төлөөгүй жолооч нарын эрхийг хасч эхэлсэн бөгөөд дүүргүүдийн замын цагдаагийн хэлтсийн үүдэнд эрхээ хасуулахаар зогсох жолооч нараар дүүрээд байна. Жолооч нарын эрхийг Зөрчлийн тухай хуулийн 3.8 дугаар зүйлийн 4 дэх хэсэгт заасны дагуу хасаж байна. Зөрчлийн тухай хууль нь аливаа нэг хууль, түүнд нийцүүлэн гаргасан захиргааны хэм хэмжээний актыг зөрчсөн үйлдэл, эс үйлдэхүйг зөрчилд тооцох, түүнийг үйлдсэн хүн, хуулийн этгээдэд шийтгэл оногдуулах замаар шударга ёсны тогтолцоог бэхжүүлэх зорилготой. Гэтэл торгох шийтгэлийг биелүүлээгүй гэдэг үндэслэлээр жолоочийн тээврийн хэрэгсэл жолоодох эрхийг хасаж байгаа нь Зөрчлийн тухай хуулийн зорилго, үзэл баримталд нийцээгүй гэж үзэж байна. Зөрчлийн тухай хуулийн 3.8 дугаар зүйлийн 4 дэх хэсэгт “Зөрчил үйлдсэн хүн, хуулийн этгээд тусгайлан олгогдсон зөвшөөрлийн дагуу үйл ажиллагаа явуулах, эрхээ хэрэгжүүлэх хууль, захиргааны хэм хэмжээний актаар тогтоосон журмыг байнга, эсхүл ноцтой зөрчсөн, эсхүл тусгайлан олгогдсон зөвшөөрлийн дагуу үйл ажиллагаа явуулах, эрхээ хэрэгжүүлэх журмыг зөрчсөн зөрчилд нь оногдуулсан шийтгэлийг биелүүлэхээс санаатайгаар зайлсхийсэн бол эрх хасах шийтгэлийг үндсэн шийтгэл дээр нэмж оногдуулна” гэж заасан байдаг. Тэгвэл зөрчилд нь оногдуулсан шийтгэлийн биелүүлэхээс санаатай зайлсхийсэн гэж хэзээ, ямар үйлдлийг гаргасан байхыг хэлэх, ийнхүү зайлсхийсэн болохыг нь хэрхэн тогтоох вэ? гэдэг асуулт гарч ирж байна. Зөрчил шалган шийдвэрлэх тухай хуулийн 1.12-д эрх бүхий албан тушаалтан нь зөрчил үйлдсэн хүн, хуулийн этгээд шийтгэл оногдуулсан шийдвэрийг тогтоосон хугацаанд биелүүлээгүй, зөрчлийн үр дагаврыг арилгахтай холбоотой зардлыг нөхөн төлөөгүй бол албадан гүйцэтгүүлэхээр шүүхэд хүсэлт гаргана гэсэн хуулийн зохицуулалт байдаг. Энэ зохицуулалтаас харахад жолооч торгуулаа төлөөгүй бол эрх бүхий албан тушаалтан тухайн торгуулийг төлүүлэхээр шүүхэд хандах үүрэг үүсч байна. Шүүх тухайн шийтгэлийг албан гүйцэтгэхээр шийдвэрлэсэн тохиолдолд шийдвэрийг албадан гүйцэтгэх ажиллагаа явагдаж, улмаар төрөөс албадлагаа хэрэгжүүлэх үе шат эхэлж байна. Энэ үед жолооч торгох шийтгэлээ биелүүлэхээс зайлсхийж, хөрөнгө орлогоо нуух, бусдад шилжүүлэх, дүр үзүүлэн төлөх зэрэг үйлдлүүд гаргавал, шийдвэр гүйцэтгэгчийн хууль ёсны шаардлагыг биелүүлэхээс зайлсхийвэл энэ үед шийтгэлийг биелүүлэхээс зайлсхийсэн нөхцөл байдал үүснэ. Албадан гүйцэтгүүлэхтэй холбоотой гүйцэтгэх хуудас гараагүй, шийдвэр гүйцэтгэх ажиллагаа явагдаагүй байхад ийнхүү шийтгэлийг биелүүлэхээс санаатай зайлсхийсэн гэх нөхцөл байдлыг тогтоох ямар ч боломжгүй. Иймээс зөрчил шалган шийдвэрлэх ажиллагааны явцад өмнөх шийтгэлийг биелүүлээгүй байна хэмээн эрх хасах шийтгэлийг оногдуулж байгааг хууль зүйн үндэслэлгүйгээр эрх хасаж байна, буруу гэж хуульчийн хувьд дүгнэж байна.
Холбоотой мэдээлэл
0 Сэтгэгдэл
ШИНЭ МЭДЭЭ
МОНГОЛЫН ХУУЛЬЧДЫН ХОЛБООНЫ ЕРӨНХИЙЛӨГЧИЙН НЭРЭМЖИТ ШАТРЫН АВАРГА ШАЛГАРУУЛАХ ТЭМЦЭЭН БОЛНО
2025-08-28 16:05
ОЛОН УЛСЫН БАРЫН ХОЛБООНЫ ЭЭЛЖИТ ЧУУЛГА УУЛЗАЛТАД ОРОЛЦОХЫГ УРЬЖ БАЙНА
2025-08-27 15:03
АНУ-ЫН ХУДАЛДААНЫ ЯАМНЫ ДЭРГЭДЭХ АРИЛЖААНЫ ЭРХ ЗҮЙН ХӨГЖЛИЙН ХӨТӨЛБӨРТЭЙ 2026 ОНД ҮРГЭЛЖЛҮҮЛЭН ХАМТРАН АЖИЛЛАНА
2025-08-27 10:54
ГЭР БҮЛИЙН ХЭРЭГ МАРГААНЫГ ХЯНАН ШИЙДВЭРЛЭХ АЖИЛЛАГААНЫ ЭРХ ЗҮЙН ЗОХИЦУУЛАЛТЫГ ХЭЛЭЛЦЛЭЭ
2025-08-25 16:52
САНХҮҮГИЙН МЭДЭЭЛЛИЙН АЛБАНД МЭДЭЭЛЭХ ҮҮРЭГТЭЙ ЭТГЭЭДЭЭС МЭДЭЭЛЭЛ ИРҮҮЛЭХ ЖУРАМД САНАЛ АВЧ БАЙНА
2025-08-21 15:25
МӨНГӨ УГААХ БОЛОН ТЕРРОРИЗМЫГ САНХҮҮЖҮҮЛЭХТЭЙ ТЭМЦЭХ ТУХАЙ ХУУЛЬД ОРСОН НЭМЭЛТ, ӨӨРЧЛӨЛТ
2025-08-21 11:52
ХЭЛЭЛЦҮҮЛЭГТ УРЬЖ БАЙНА
2025-08-20 14:07
СУРГАЛТАД УРЬЖ БАЙНА
2025-08-19 13:43
ХУУЛЬЧИЙН МЭРГЭЖЛИЙН ШАЛГАЛТЫН БҮРТГЭЛ ЯВАГДАЖ БАЙНА
2025-08-18 14:51
ХӨДӨӨ ЯВААД ИРЛЭЭ: ДАЛАВЧТАЙ НЬ НИСДЭГ ЮМ БАЙНА
2025-08-18 10:27
КИБЕР АЮЛГҮЙ БАЙДЛЫН СУРГАЛТ АМЖИЛТТАЙ ЯВАГДЛАА
2025-08-18 10:20
Комплаенсийн эрсдэлийн үнэлгээ хийгдэж байна
2025-08-14 10:14
ЭРДЭМ ШИНЖИЛГЭЭНИЙ ӨГҮҮЛЭЛ ХҮЛЭЭН АВЧ БАЙНА
2025-08-12 16:35
КИБЕР АЮУЛГҮЙ БАЙДЛЫН СУРГАЛТ БОЛНО
2025-07-30 09:37
МЭДЭЭЛЭЛ
2025-07-18 15:45
Комплаенсийн эрсдэлийн үнэлгээ эхэллээ
2025-08-14 10:13
ХУУЛЬЧИЙН МЭРГЭЖЛИЙН ШАЛГАЛТЫН БҮРТГЭЛ 2025 ОНЫ НАЙМДУГААР САРЫН 08-НД ЭХЭЛНЭ
2025-07-03 12:31
УРИАЛГА
2025-06-30 11:15
МЭДЭЭЛЭЛ
2025-06-23 11:15