Монголын Хуульчдын холбоо, Шүүхийн академи, Монголын мэтгэлцээний нэгдсэн танхим хамтран ажиллах санамж бичиг байгуулж, Монголын Хуульчдын Холбооны Тамгын газрын дарга Ш.Жолбарс, Шүүхийн академийн захирал Д.Эрдэнэчимэг, Монголын мэтгэлцээний нэгдсэн танхимын дэд тэргүүн Б.Наранцэцэг нар өнөөдөр гарын үсэг зурж баталгаажууллаа.

Хамтын ажиллагааны хүрээнд талууд шүүхийн мэтгэлцээний сургалт, семинар, сургалтын хөтөлбөр боловсруулах, зохион байгуулах, мэтгэлцээний дасгалжуулагч багш нарыг бэлтгэх, сургах, чадавхжуулах ажлыг хэрэгжүүлэх юм. Мөн шүүхийн мэтгэлцээнээр хичээллэгч оюутнуудад зориулсан сургалт, тэмцээн, үйл ажиллагааг зохион байгуулна. Түүнчлэн оюутнуудыг шүүхийн үйл ажиллагааны талаарх мэдлэгтэй, мэргэжлийн ур чадвартай боловсон хүчин болгон бэлтгэхэд хамтран ажиллах, хамтарсан судалгаа, төсөл, хөтөлбөр хэрэгжүүлэхээр тохиролцлоо.

Тус хамтын ажиллагааны хүрээнд талууд нь шүүхийн мэтгэлцээний дасгалжуулагч багшийн сургалт, шүүхийн мэтгэлцээнээр хичээллэгч оюутнуудын сургалтыг 2025 оны тавдугаар сарын 06, 07-ны өдрүүдэд зохион байгуулж байна.