Олон Улсын Улаан загалмай хороо, Монголын улаан загалмай нийгэмлэг, Монголын хуульчдын холбооны Олон Улсын эрх зүйн хороо, Нийслэл дэх Захиргааны хэргийн Анхан шатны шүүх, Захиргааны хэргийн давж заалдах шатны шүүхийн Тамгын газар, Монголын өмгөөлөгчдийн холбоо хамтран Олон улсын хүмүүнлэгийн эрх зүйн шүүхийн мэтгэлцээний тэмцээнийг 2025 оны 11 дүгээр сарын 15-16-ны өдрүүдэд амжилттай зохион байгууллаа. 

МХХ-ны Олон Улсын эрх зүйн хорооны гишүүн, хуульч Э.Алимаа тус тэмцээний шүүгчээр ажилласан бөгөөд тэмцээнийг Олон Улсын эрүүгийн шүүхийн дүрмээр Англи хэлээр зохион байгуулсан бөгөөд оюутнууд тэмцээнд оролцсоноор олон улсын эрх зүйн мэдлэгээ бэхжүүлж, англи хэл дээр мэтгэлцэх чадвартай болох юм.

Шүүхийн мэтгэлцээний тэмцээнд Монгол Улсын Их Сургууль, Дотоод хэргийн их сургууль, Санхүү, Эдийн Засгийн Их Сургууль, Их Засаг Их Сургууль, Рояаль Олон  Улсын Их Сургууль, "Отгонтэнгэр" их сургууль, "Шихихутуг" Их сургуулийн нийт 17 багийн 54 оюутан оролцов.

Тэмцээний тэргүүн байранд Монгол Улсын Их Сургуулийн Хууль, зүйн сургуулийн Б.Ариунзаяа, Э.Хонгорзул, Ж.Энхтөгөлдөр, хоёрдугаар байранд Санхүү, Эдийн Засгийн Их Сургуулийн Д.Ууганзаяа, Э.Номин, Г.Нанзадсүрэн нар орлоо. Тэмцээний тэргүүн байранд орсон баг нь дараа оны 3 дугаар сард Олон улсын Улаан загалмай хороо, Хонгконгийн улаан загалмай хамтран зохион байгуулах Ази-Номхон далайн бүсийн Олон улсын хүмүүнлэгийн эрх зүйн шүүхийн мэтгэлцээний тэмцээнд Монгол Улсыг төлөөлж оролцох юм.