"СИНГАПУР УЛСЫН ХИЛ ДАМНАСАН АРИЛЖААНЫ МАРГААНЫГ ШИЙДВЭРЛЭХ ТОГТОЛЦОО" СЭДЭВТ СУРГАЛТ БОЛЛОО

Монголын Хуульчдын холбооны Олон Улсын эрх зүйн хорооноос санаачлан Эвлэрүүлэн зуучлалыг дэмжих хороотой хамтран “Сингапур Улсын хил дамнасан арилжааны маргааныг шийдвэрлэх тогтолцоо” сэдэвт сургалт, танилцуулгыг 2026 оны долдугаар сарын 02-ны өдөр зохион байгууллаа.

Сургалт, танилцуулгыг Олон Улсын эрх зүйн хорооны Тэргүүн Э.Алимаа нээж, модератор, орчуулагчаар тус хорооны Удирдах зөвлөлийн гишүүн О.Анударь ажиллаж, сургалтын агуулгыг оролцогчдод ойлгомжтой, хүртээмжтэй хүргэхэд чухал үүрэг гүйцэтгэлээ.

Энэхүү сургалтыг Сингапурын “Nair, Jen and Tan” хуулийн фирмийн захирал, олон улсын арбитрч, хуульч Брайн Тан удирдан явуулж, хил дамнасан арилжааны маргаан шийдвэрлэх орчин үеийн чиг хандлага, олон улсын арбитрын ажиллагааны онцлог, Сингапурын эрх зүйн тогтолцооны давуу тал, бизнесийн орчны итгэлцлийг хангах механизмуудын талаар дэлгэрэнгүй мэдээлэл өгч, оролцогчдын сонирхсон асуултад хариулсан.

Сургалтад хуульч, өмгөөлөгч, арбитрч, эвлэрүүлэн зуучлагч, хуулийн байгууллагын төлөөлөл болон олон улсын худалдаа, хөрөнгө оруулалтын эрх зүйн чиглэлээр ажиллаж буй мэргэжилтнүүд оролцож, Сингапурын туршлагаас суралцахын зэрэгцээ Монгол Улсад олон улсын арилжааны маргаан шийдвэрлэх тогтолцоог хөгжүүлэх боломж, хамтын ажиллагааны чиглэлээр санал солилцлоо.

Энэхүү сургалт, танилцуулга нь олон улсын шилдэг туршлагыг Монголын хуульчдад таниулах, хил дамнасан арилжааны маргааныг шийдвэрлэх талаарх мэдлэг, ур чадварыг нэмэгдүүлэх, цаашдын хамтын ажиллагааг өргөжүүлэхэд бодит хувь нэмэр оруулсан ач холбогдолтой үйл ажиллагаа байлаа.

Сонирхуулахад, Хуульч Брайн Тан нь компанийн болон арилжааны маргаан, олон улсын арбитр, банк, санхүүгийн маргааны чиглэлээр ажилладаг бөгөөд хил дамнасан шинжтэй, нарийн төвөгтэй, өндөр үнийн дүн бүхий хэрэг, маргаанд үйлчлүүлэгчдээ тогтмол төлөөлдөг байна. Мөн Сингапурын Олон улсын арбитрын төв, Олон улсын арилжааны шүүх болон Давж заалдах шатны шүүхэд хянан шийдвэрлэгдсэн хэрэг, маргаанд ажиллаж байсан арвин туршлагатайн зэрэгцээ Сингапур Улсын Олон улсын эвлэрүүлэн зуучлалын төвийн хүрээнд явагдсан эвлэрүүлэн зуучлах ажиллагаа болон Гаагийн конвенцын хүрээнд гадаад улсын шүүхийн ажиллагаанд ашиглах нотлох баримт гаргуулахтай холбоотой хүсэлтүүдийг Сингапурын Дээд шүүхээр хянан шийдвэрлүүлэх ажиллагаанд оролцож байсан бөгөөд Сингапурын Дээд шүүхээс хувийн шинжээчээр томилогдон ажиллаж байгаа ажээ.

Энэ мэдээ танд ямар санагдав?
1
0
0
0
0
0
Холбоотой мэдээлэл
0 Сэтгэгдэл
ШИНЭ МЭДЭЭ
ХУУЛИЙН ТӨСӨЛД САНАЛ АВЧ БАЙНА
Өчигдөр 10 цаг 24 мин
ЭМГЭНЭЛ
2026-11-13 19:46
“ШҮҮГЧИЙН ЁС ЗҮЙ, САХИЛГА: ЗАЛГАМЖ ЧАНАР, ШИНЭЧЛЭЛ” СЭДЭВТ СИМПОЗИУМ БОЛЛОО
2026-11-13 15:09
2026 ОНЫ ХУУЛЬЧИЙН МЭРГЭЖЛИЙН ШАЛГАЛТАД 149 ОРОЛЦОГЧ ТЭНЦЛЭЭ
2026-11-09 21:33
“ӨМГӨӨЛӨГЧИЙН МАРКЕТИНГ” СУРГАЛТ БОЛНО
2026-11-09 16:06
“ГЭР БҮЛИЙН ЭРХ ЗҮЙН ШИНЭЧЛЭЛ, ПРАКТИК ХЭРЭГЛЭЭ: ИРГЭНИЙ ЭРХ ЗҮЙН-2026 ӨДӨРЛӨГ”  БОЛЛОО
2026-11-09 15:49
ДАРХАН-УУЛ, СЭЛЭНГЭ АЙМГИЙН ХУУЛЬЧДАД СУРГАЛТ ЗОХИОН БАЙГУУЛЛАА
2026-11-06 16:48
МЭДЭЭЛЭЛ
2026-11-05 12:24
2026 ОНЫ ХУУЛЬЧИЙН МЭРГЭЖЛИЙН ШАЛГАЛТЫН ДҮН ГАРЛАА
2026-11-04 20:20
НИЙСЛЭЛ ДЭХ ГЭР БҮЛ, ХҮҮХДИЙН ХЭРГИЙН ДАВЖ ЗААЛДАХ ШАТНЫ ШҮҮХИЙН НЭЭЛТ БОЛЛОО
2026-11-04 14:40
ГЭР БҮЛ, ХҮҮХДИЙН ХЭРГИЙН ДАГНАСАН ШҮҮХИЙН ҮЙЛ АЖИЛЛАГАА ЭХЭЛЛЭЭ
2026-11-02 14:57
ХУУЛИЙН ТӨСЛИЙН ХЭЛЭЛЦҮҮЛЭГ БОЛЛОО
2026-11-02 10:07
ХУУЛЬЧ ТАНД БАЯР ХҮРГЭЕ!
2026-10-26 16:15
ХУУЛЬЧДАД ЗОРИУЛСАН АНГЛИ ХЭЛНИЙ ЭРЧИМЖҮҮЛСЭН СУРГАЛТАД БҮРТГЭЖ БАЙНА
2026-10-23 17:32
ХУУЛИЙН ТӨСӨЛ БОЛОВСРУУЛАГЧИЙН СУРГАЛТ БОЛЛОО
2026-10-23 15:09
ХУУЛЬЧДАД ЗОРИУЛСАН АНХАН ШАТНЫ ТУСЛАМЖИЙН СУРГАЛТ
2026-10-22 09:25
ХЭЛЭЛЦҮҮЛЭГТ УРЬЖ БАЙНА
2026-10-21 16:27
ШИНЭ НОМЫН НЭЭЛТ БОЛНО
2026-10-21 10:31
“ИРГЭНИЙ ЭРХ ЗҮЙ – 2026” ӨДӨРЛӨГТ УРЬЖ БАЙНА
2026-10-20 10:09
ХУУЛИЙН ТӨСӨЛ БОЛОВСРУУЛАГЧИЙН СЕРТИФИКАТ ОЛГОХ СУРГАЛТ БОЛНО
2026-10-19 10:53