XVII жарны “Сүрээр дарагч” хэмээх гал морь жилийн сар шинийн баярыг тохиолдуулан Монгол Улсад хүний эрх, эрх чөлөөг хамгаалах хуулиар хүлээсэн үүргээ нэр төртэй биелүүлж, хуульчийн нэр хүндийг өндөрт өргөн ажилласан Монголын Хуульчдын холбооны гишүүн хуульчид болон Тамгын газрын ажилтнуудыг хууль зүйн салбар болон Хуульчдын холбооны Хүндэт тэмдгээр шагнасныг Монголын Хуульчдын холбооны Ерөнхийлөгч М.Мөнхбат, Тамгын газрын дарга Ш.Жолбарс нар өнөөдөр (2026.02.16) гардуулан өгч, баяр хүргэлээ. Тодруулбал,

Монголын Хуульчдын холбооны Хүндэт тэмдгээр хуульч Жамбалын Нарантуяа, Дэмбэрэлийн Оросоо, Эрдэнэбаатарын Эрдэнэхишиг, Ичинхүүгийн Отгонсүрэн, Балчингийн Цэрэнлхам, “Хууль зүйн албаны тэргүүний ажилтан” тэмдгээр хуульч Сандуузын Энхбаатар, Доржийн Баасансүрэн, Батхүүгийн Бямба-Оюун, Жамбалын Нарантуяа, Машбатын Энхжин, Зунрийн Түвшинжаргал, Хууль зүй, дотоод хэргийн яамны “Хүндэт жуух бичиг”-ээр хуульч Батбаярын Батцэнгэл, Цолмонгийн Галтаа, Энхтайваны Нарангэрэл, Ганбатын Хулан, Баярсайханы Болортунгалаг, Мөнхтогтохын Дамбийням нар тус тус шагнагдлаа.

Морь жилийн босгон салбарын шагналаар шагнагдсан эрхэм хуульчдадаа баяр хүргэж, сайн сайхан бүхнийг хүсэн ерөөе.

САР ШИНЭДЭЭ САЙХАН ШИНЭЛЭЭРЭЙ!