Монгол Улсад Захиргааны хэргийн давж заалдах шатны шүүх байгуулагдсаны 15 жилийн ойг угтаж тус шүүхээс Монголын Хуульчдын холбооны гишүүн хуульчидтай 2026 оны 05 дугаар сарын 15-ны өдөр "Зангиагүй уулзалт" зохион байгууллаа.

Уулзалтаар Захиргааны хэрэг хянан шийдвэрлэх ажиллагааг боловсронгуй болгох, хууль хэрэглээний нэгдмэл байдлыг хангах асуудлаар хуульчдын санал шүүмжийг сонсож, тулгамдаж байгаа асуудлаар ярилцлаа. Тодруулбал, уулзалтын үеэр хуульчид захиргааны шүүх нь бусад шүүхтэй харьцуулахад орчин нөхцөл, харилцаа хандлага сайтайг онцолсны зэрэгцээ энэхүү уулзалтыг тогтмол зохион байгуулж байх хэрэгтэйг хэлсэн. Түүнчлэн энэ үеэр орон нутгийн шүүгчдийг чадавхжуулах асуудлыг хөндсөн.

Энэ удаагийн зангиагүй уулзалт нь иргэдэд ээлтэй, хариуцлагатай шүүхийг төлөвшүүлэх хамтын ажиллагааны бодит эхлэл болж байгааг оролцогчид онцоллоо.