Нэгдсэн Үндэстний Байгууллагын Цөлжилттэй тэмцэх тухай конвенцын (UNCCD)-ын Талуудын бага хурлын 17 дахь чуулган (COP17) Монгол Улсад 2026 оны 8 дугаар сарын 17–28-ны өдрүүдэд зохион байгуулагдах бөгөөд газрын доройтол, цөлжилт, ган гачигтай тэмцэх асуудлыг хэлэлцдэг дэлхийн хэмжээний хамгийн том арга хэмжээний нэг юм.

Тус бага хурлын Ногоон бүс (Green Zone)-д сайн дурын үндсэн дээр ажиллах хүсэлтэй, Англи, Франц, Испани, Орос, Хятад, Араб аль нэг улсын хэлний мэдлэгтэй Монголын Хуульчдын Холбооны гишүүн хуульчдыг бүртгэж байна.

Мөн энэхүү бага хурлын Ногоон бүсэд ажиллах хуулийн зөвлөгөөний клиникийг мэргэжлийн өндөр түвшинд зохион байгуулах зорилгоор энэхүү үйл ажиллагаанд хамтран оролцох сонирхолтой хуулийн фирмүүдийг хамтран ажиллахыг урьж байна. Иргэд, компани, иргэний нийгмийн байгууллагуудад хууль зүйн зөвлөгөө үзүүлэх энэхүү санаачилгад нэгдэх хүсэлтэй хуулийн фирмүүд Монголын Хуульчдын Холбоотой холбогдон хамтын ажиллагааны талаар мэдээлэл авах боломжтой.

Та энэхүү арга хэмжээнд сайн дурын ажилтнаар оролцсоноор:

ü  Олон улсын өндөр түвшний арга хэмжээний зохион байгуулалтад оролцох;

ü  Гадаадын төлөөлөгчид, олон улсын байгууллагуудтай хамтран ажиллах туршлага хуримтлуулах;

ü  Англи хэл болон харилцааны ур чадвараа хөгжүүлэх;

ü  Байгаль орчин, тогтвортой хөгжил, олон улсын хамтын ажиллагааны талаар мэдлэгээ өргөжүүлэх

ü  Монгол Улсыг олон улсын тавцанд төлөөлөн ажиллах үнэ цэнтэй туршлага олж авах;

ü  Сайн дурын ажилтны албан ёсны гэрчилгээ авах боломжтой.

Оролцох сонирхолтой хуульчид та бүхэн доорх холбоосоор нэвтэрч, бүртгэлийн маягтыг бөглөнө үү.

Бүртгэлийн холбоос: https://forms.gle/j7P9P4TNjftgaw6D6