Монголын Хуульчдын холбооны Захиргааны эрх зүйн хороо PWC олон улсын хуулийн фирмтэй хамтран “Үнэ шилжилтийн хяналт шалгалт, маргаан хянан шийдвэрлэх процесс дахь хуульчдын оролцоо: Монгол улс болон Казахстан улсын практик онцлог ба сайн туршлага” сэдэвт уулзалт хэлэлцүүлгийг 2026 оны 09 дүгээр сарын 16-ны өдөр зохион байгууллаа. Уулзалт, ярилцлагыг  Монголын Хуульчдын холбооны Тамгын газрын дарга Ш.Жолбарс нээж үг хэллээ.

Уулзалт, ярилцлагын илтгэгчээр PWC Монголын төлөөлж ахлах менежер Р.Мөнхжаргал “Монгол улс дахь үнэ шилжилтийн хяналт шалгалт, маргаан хянан шийдвэрлэх ажиллагааны онцлог, практик, туршлага” сэдвээр, PWC Казахстаныг төлөөлж партнер Нурсултан Нурбаев “Казахстан улс дахь үнэ шилжилтийн хяналт шалгалт, маргаан хянан шийдвэрлэх ажиллагааны онцлог, практик туршлага” сэдвээр тус тус илтгэл хэлэлцүүллээ.

Тус уулзалт, ярилцлагаар үнэ шилжилтийн хамгийн тохиромжтой аргыг сонгох, татварын ногдлыг шууд бусаар тодорхойлох аргууд тухай, татварын хяналт шалгалтын процесс, татварын хяналт шалгалтын үр дүнд гомдол гаргах ажиллагаа, шүүхийн кейс: экспортын нүүрсний үнийг жишиг үнэтэй харьцуулах, Казахстан улсын жишээ дээр харьцуулан нийт оролцсон хуульчид санал солилцлоо.