Монголын Хуульчдын холбоо, Санхүүгийн зохицуулах хороо хамтран ажиллахаар тохиролцож арванхоёрдугаар сарын 11-нд Монголын Хуульчдын холбооны Ерөнхийлөгч Б.Гүнбилэг, Санхүүгийн зохицуулах хорооны дарга З.Нарантуяа нар санамж бичиг үзэглэлээ. 

   Энэхүү санамж бичгийн хүрээнд Хуульчийн эрх зүйн байдлын тухай хуулийг хэрэгжүүлэх, Олон нийтийн  санхүүгийн суурь мэдлэгийг дээшлүүлэх хөтөлбөрийн хүрээнд хуульчдын санхүүгийн зах зээлийн талаарх мэдлэг, мэдээллийг дээшлүүлэх , бизнесийн эрх зүй, үнэт цаасны эрх зүй, даатгалын эрх зүй болон  бусад санхүүгийн зохицуулалтын чиглэлээр мэргэшсэн хуульчдыг бэлтгэнэ. Мөн Санхүүгийн зохицуулах хорооноос  Хуульчдын холбооны гишүүдэд санхүүгийн зах зээлийн зохицуулалтын чиглэлээр шаардлагатай сургалт, давтан сургалтыг зохион байгуулах, гадаадын болон дотоодын сургагч багшаар хангах, үндэсний сургагч багш бэлтгэхэд туслалцаа үзүүлэх юм.

   Тус хамтын ажиллагааны үр дүнд хуульчид санхүүгийн зах зээлийн зохицуулалтын чиглэлээр мэдлэг мэдээлэлтэй болж, энэ чиглэлийн хэрэг, зөрчилд зохистой үнэлэлт, дүгнэлт өгөх чадвартай болох юм. Мөн санхүүгийн зах зээл дэх хөрөнгө оруулагч, үйчлүүлэгчдийн эрх, хууль ёсны ашиг сонирхол хуулийн хүрээнд хамгаалагдаж, санхүүгийн зах зээл, хөрөнгийн зах зээлд итгэх хөрөнгө оруулагчдын илтгэл нэмэгдэнэ гэж үзэж байгаа юм.