Монголын Хуульчдын холбооны Тамгын газар болон Мэргэжлийн хариуцлагын хорооны Ажлын албаны хамт олон  “Болдкогийн цэцэрлэг” сайн үйлсийн аянд нэгдлээ. Тодруулбал, Монголын Хуульчдын холбооны хамт олон албан ёсны шинэ жил тэмдэглэхгүйгээр зардлаа “Болдкогийн цэцэрлэг”-т дэмжлэг үзүүлэхээр хандивлаж байгаа юм.

Монголын Хуульчдын холбооны Тамгын газрын дарга Ц.Ганболд өчигдөр “Болдкогийн цэцэрлэг” дээр ажиллаж үйл ажиллагаатай нь танилцан, хандив гардуулан өгсөн юм. Тэрбээр энэ үеэр Монголын Хуульчдын холбоонд гишүүнчлэлтэй нийт хуульчдыг тус аянд нэгдэж, дэмжлэх үзүүлэхийг уриаллаа.

“Бяцхан хүүхдүүддээ цэцэрлэг барьж өгье” уриатайгаар сэтгүүлч Б.Болдбаатар “Болдкогийн цэцэрлэг” сайн үйлсийн аяныг санаачлан ашиглахаа больсон хуучин барилгыг хүүхдийн цэцэрлэг болгон засварлаж байгаа бөгөөд энэхүү цэцэрлэг нь Баянзүрх дүүргийн 2-р хорооны нутаг дэвсгэрт байрладаг юм. Тус цэцэрлэг ашиглалтад орвол 50-60 хүүхэд хүлээн авах боломжтой ажээ.