Үндэсний эрх чөлөө, тусгаар тогтнолоо сэргээсний 104 жилийн ойн баярыг тохиолдуулан Монгол Улсын Ерөнхийлөгчийн 2015 оны 12 дугаар сарын 21-ний 188 дугаар зарлигаар Монголын Хуульчдын холбооны Бодлого зохицуулалтын хэлтсийн дарга, хуульч Аюушийн Оюунчимэгийг Алтангадас одонгоор шагналаа.
Тэрбээр хууль зүйн салбарт 24 жил тасралтгүй ажиллаж, Монгол Улсын хууль зүйн салбар төдийгүй нотариатын байгууллагыг хөгжүүлэх үнэтэй хувь нэмэр оруулсан билээ. Хуульч А.Оюунчимэг нь 1991 онд Эрдэнэт хотын 4 дүгээр хэсгийн шүүхээс хөдөлмөрийн гараагаа эхлүүлж, шүүгч, арбитрч, нотариатч гэсэн албан тушаалыг хашиж байсан юм.
Түүнийг өнөөдөр Монголын Хуульчдын холбооны Ерөнхийлөгч Б.Гүнбилэг болон Бодлого зохицуулалтын хэлтсийн мэргэжилтнүүд нь хүлээн авч уулзаж баяр хүргэлээ.
