Хуульчийн эрх зүйн байдлын тухай хуулийн 49 дүгээр зүйлийн 49.4-т “Эрх зүйн салбар, мэргэшил болон тусгай асуудлаар холбооны гишүүд сайн дураараа нэгдэж хороо байгуулж болно”, 49.7-д “Энэ хуулийн 49.4-т заасан хорооны даргыг тухайн хорооны гишүүд дотроосоо сонгох бөгөөд хорооны даргын бүрэн эрхийн хугацаа хоёр жил байна” гэж тус тус заасан байдаг.

        Энэ хүрээнд 2015 оны 10 дугаар сарын 24-ний өдрөөс 10 дугаар сарын 29-ний өдрийн хооронд Сайн дурын хороодын дарга нарыг сонгох сонгуулиар Олон улсын эрх зүйн хорооны тэргүүнд дараах хүмүүс нэр дэвшсэн. Үүнд:

1.     Ганбаярын Батбаяр-4 санал

2.     Лхагвасүрэнгийн Галбаатар-1 санал тус тус авсан юм.

Монголын Хуульчдын холбооны “Сайн дурын хороодын зохион байгуулалттай холбоотой нийтлэг журам”-ын 6.5 дугаар зүйлийн 3 дахь хэсэгт “...цахим санал хураалтад саналын эрхтэй оролцож байгаа хорооны гишүүдийн олонхын саналаар хүчин төгөлдөр болно” гэж заасан.

Иймд Олон улсын эрх зүйн хорооны тэргүүнийг сонгох сонгуулийг  www.mglbar.mn цахим хуудасны “Сонгуулийн цахим систем”-ийг ашиглан дахин зохион байгуулахаар боллоо. Нэр дэвшүүлэх ажиллагаа 2016 оны нэгдүгээр сарын 05-ны өдрийн 10:00 цагаас 2016 оны нэгдүгээр сарын 08-ны өдрийн 18:00 цаг хүртэл явагдана.

Гишүүд та бүхэн сонгуульд идэвхтэй оролцож саналаа өгнө үү.

Утас: 99002435, 70114884