Үндсэн хуулийн өдрийг тохиолдуулан Монголын Хуульчдын холбооны ерөнхийлөгчийн тушаалаар Хуульчдын холбоог байгуулахад үнэтэй хувь нэмэр оруулсан эрхмүүдийг “Хүндэт тэмдэг”-ээр шагналаа.

        Шагнал гардуулах ёслолыг Б.Чимид багшийн нэрэмжит эрдэм шинжилгээний шилдэг илтгэлийн уралдааны үеэр зохион байгуулсан бөгөөд Хуульчийн мэргэжлийн үйл ажиллагаанд баримтлах дүрмийн төслийг боловсруулах, батлуулах үйл ажиллагаанд идэвхтэй оролцож, Монголын Хуульчдын холбоог байгуулахад үнэтэй хувь нэмэр оруулсан Хууль зүйн яамны шинэчлэлийн бодлогын газрын дарга Т.Бат-Өлзий, МУИС-ХЗС-ийн захирал, доктор, профессор Ж.Эрдэнэбулган, МУИС-ХЗС-ийн багш, доктор, дэд профессор О.Мөнхсайхан нар Хуульчдын холбооны “Хүндэт тэмдэг”-ээр энгэрээ мялаалаа. Шагналыг Монголын Хуульчдын холбооны ерөнхийлөгч Б.Гүнбилэг, Ханнс-Зайделийн сангийн тэргүүн, доктор, профессор Ц.Сарантуяа нар гардуулан өгсөн юм.