Хэсэг хуульчид өнөөдөр /2016.02.03/ Үндсэн хуулийн цэц, УИХ хоёрын хооронд үүсээд байгаа асуудлаар нээлттэй хэлэлцүүлэг хийлээ.

    Хэлэлцүүлэгт оролцсон хуульчдын зүгээс УИХ-аас Үндсэн хуулийн цэцийн дарга, нэр бүхий гишүүдийг эгүүлэн татах гэж буй нь хууль бус үйлдэл хэмээн үзэж, уриалга гарган УИХ-д хүргүүлэхээр шийдвэрлэсэн юм. Тэд уриалгадаа “Үндсэн хуулийн цэц бол Үндсэн хуулийн “манаач”, түүнийг чандлан сахиулах баталгаа юм. Үндсэн хуулийн цэцийн бүрэн эрхээ хэрэгжүүлэх баталгаа нь гагцхүү Үндсэн хууль билээ. Гэтэл Үндсэн хуулийн цэцийн гишүүдийн эрх зүйн байдлыг тогтоосон Үндсэн хуулийн заалтуудыг өргөтгөсөн нэмэлтийг ердийн хуулиар оруулж үүнээ үндэслэн гишүүдийг эгүүлэн татах гэж байгаа нь Үндсэн хуульчлагдсан институцийг буюу төрийн эрхийг хууль бусаар булаан авах гэмт хэргийн шинжтэй, төр ба ард түмний хоорондын дээд “гэрээ”-г цуцалж дарангуйлал тогтоох гэсэн ноцтой үйлдэл гэж бид үзэж байна” хэмээжээ.

Хэлэлцүүлэгт оролцсон зарим хуульчийн байр суурийг ЭНД дарж сонирхоно уу!