Австралийн “Минтер Элисон” хуулийн фирмийн төлөөлөгч Себастиан Рошолт болон МХХ-ны ерөнхийлөгч Б.Гүнбилэг нар өчигдөр /2016.03.02/ уулзалт хийлээ.
Уулзалтаар “Минтер Элисон” фирм, Монголын Хуульчдын холбооны цаашдын хамтын ажиллагааны талаар санал солилцсон бөгөөд Монголын хуульчид Австралийн эрх зүйн тогтолцоотой танилцах боломжийг судлахын зэрэгцээ “Хуулийн фирмийн менежмент”, "Англи хэлээр хууль зүйн бичиг баримт боловсруулах нь" зэрэг сэдвээр сургалт зохион байгуулахаар тохиролцов. Үүгээр Монголын хуулийн фирмүүд болон гадаадын хуулийн фирмүүд харилцан туршлага солилцох анхны алхам тавигдлаа.
“Минтер Элисон” нь Монгол Улсад идэвхтэй үйл ажиллагаа явуулдаг олон улсад нэр хүндтэй томоохон хуулийн фирмүүдийн нэг юм.
