Монголын Хуульчдын холбооны Хуульчдын эрх, хууль ёсны ашиг сонирхлыг хамгаалах асуудал эрхэлсэн хорооноос уламжлал болгон зохион байгуулдаг “Шилжин явах цом”-ын төлөөх Боулингийн тэмцээн өнгөрсөн бямба гаригт ҮСАХ-гийн “Sport pub bowling” төвд амжилттай болж өндөрлөлөө.
Тэмцээнд нийт 12 баг өрсөлдсөнөөс “Адвокат консалтинг” ХХН-ийн баг тэргүүн байр эзэлж, Монголын Хуульчдын холбооны Тамгын газрын баг дэд байрт шалгарлаа. Гуравдугаар байрыг Иргэний эрх зүйн хорооны нэгдүгээр баг эзэлсэн бөгөөд тус багийн ахлагч Г.Даваадорж “Шилдэг эрэгтэй тоглогч”-оор шалгарч, “Адвокат консалтинг” ХХН-ийн багийн Ө.Цэрэндэжид “Шилдэг эмэгтэй тоглогч”-оор тодорсон юм.
