Монголын Хуульчдын холбоо нь Олон Улсын Улаан загалмайн хороо,  Монголын Улаан загалмайн нийгэмлэгтэй хамтран 2016 оны гуравдугаар сарын 31, дөрөвдүгээр сарын 1-ний өдрүүдэд “Хүчирхийлэл, гэмт халдлагын үед олон улсын хүмүүнлэг, хүний эрхийн эрх зүйн хэм хэмжээг хэрэглэх нь” сэдэвт хоёр өдрийн сургалтыг амжилттай зохион байгууллаа.

    Сургалтын гол зорилго олон нийтийг хамарсан жагсаал цуглаан, эмх замбараагүй байдал, гэмт халдлагын үед хэрэглэгдэх олон улсын хүний эрхийн болон хүмүүнлэгийн эрх зүйн хэм хэмжээг хэрхэн ойлгож хэрэглэх дадлага, туршлага, мэдлэгийг олгох замаар чадавхийг нэмэгдүүлэх байсан. Уг сургалтад шүүх, прокурор, Хүний эрхийн үндэсний комисс, Шүүхийн шийдвэр гүйцэтгэх ерөнхий газар, Тахарын ерөнхий газрын албан хаагчид болон өмгөөлөгчид оролцсон.

    Олон Улсын Улаан загалмайн хорооноос сургалтын бүх зардлыг хариуцсан бөгөөд оролцогчдод гэрчилгээ олгосон юм.

ГАДААД ХАРИЛЦАА, ХАМТЫН АЖИЛЛАГААНЫ ХЭЛТЭС