Хуульч нь хуульчийн мэргэжлийн үйл ажиллагаа эрхлэхдээ Хуульчийн эрх зүйн байдлын тухай хуулийн 26 дугаар зүйлийн 26.1.2 дахь хэсэгт заасны дагуу Хуульчдын холбооны гишүүн байж, гишүүний татвар төлөх үүрэгтэй.

    Хуулийн энэ заалтыг хэрэгжүүлэх хүрээнд Хуульчдын холбооноос “Татварын аян -2016” хоёр сарын хугацаатай аян зохион байгуулж,  татварын зөрчилтэй хуульчдад и-мэйл, мессеж илгээх, утсаар холбогдож сануулах, мэдэгдэх, шаардлага хүргүүлэх зэрэг шат дараатай арга хэмжээ авч ажиллаж байна.  

    Хэрэв хуульч нь гишүүний татвараа хүндэтгэн үзэх шалтгаангүйгээр гурван сар дараалан төлөөгүй бол Хуульчийн эрх зүйн байдлын тухай хуулийн 26 дугаар зүйлийн 26.3 дахь  хэсэгт заасны дагуу Хуульчдын холбоо түүний хуульчийн мэргэжлийн үйл ажиллагаа эрхлэх зөвшөөрлийг хүчингүй болгох үндэслэл болно гэсэн хуулийн зохицуулалтыг хэрэгжүүлж ажиллах болохыг мэдэгдэж байна.

    Иймд Хуульчдын холбооны гишүүн хуульчид та бүхэн хуульчийн мэргэжлийн үйл ажиллагаа эрхлэх зөвшөөрлөө хадгалж, хуульчийн мэргэжлийн үйл ажиллагааг баталгаатай хэрэгжүүлэхийн тулд дээрх хуульд заасан үүргээ ухамсарлаж, гишүүний татвараа цаг тухайд нь төлж, үлдэгдэл татварын зөрчлөө нэн даруй арилган хамтарч ажиллахыг хүсье. 

Холбоо барих утас: 70116065, 70116004

Хуульч та татвараа төлөхдөө овог нэр, регистрийн дугаараа заавал бичнэ үү.

Татвар төлөх дансны дугаар 

Хаан банк: 5027705095

Төрийн банк: 343100167550

Улаанбаатар хотын банк: 2621000095

МОНГОЛЫН ХУУЛЬЧДЫН ХОЛБОО