Монголын Хуульчдын холбооноос “Моск trial” шүүхийн мэтгэлцээний тэмцээнийг тавдугаар сарын 06-08-ны өдрүүдэд Улсын Ерөнхий прокурорын газрын дэргэдэх Сургалт, судалгааны төвд зохион байгуулах гэж байна.

        Хууль зүйн сургуулийн оюутнуудыг “бодит хэрэг” маргаан дээр ажиллуулж шүүхэд нэрэмжлэл, хариу тайлбар боловсруулан гаргах, нотлох баримтад дүн шинжилгээ хийх, өмгөөлөгчийн байр сууринаас үйлчлүүлэгчийнхээ эрх, хууль ёсны ашиг сонирхлыг хэрхэн хамгаалж оролцох зэргээр мэтгэлцээний үндсэн дээр мэргэжлийн дадал, ур чадварыг эзэмшүүлэх зорилготой энэхүү тэмцээний нэгдүгээр текникийн зөвлөгөөн өчигдөр /2016.04.25/ болж, мэтгэлцээний дүрмээ баталж, мандатын хураамжийн хэмжээг тогтоолоо. Өнөөдрийн байдлаар тэмцээнд МУИС, “Их засаг”, “Шихихутуг” “Отгонтэнгэр”, “Орхон”, “Улаанбаатар”, “Билиг”, Монголын Үндэсний их сургууль, Хууль сахиулахын их сургууль зэрэг 9 их дээд сургуулийн оюутнууд ур чадвараа сорьж өрсөлдөхөөр мэдүүлгээ ирүүлээд байна.  

       Тэмцээний хоёрдугаар техникийн зөвлөгөөн 2016 оны 04 дүгээр сарын 29-ний өдрийн 16:00 цагт болох бөгөөд энэ хурлаар багуудад мандат олгож, битүүмжилсэн кэйсийг задлах юм.

    Жич: Багийн мэдүүлгийг 2016 оны 04 дүгээр сарын 27-ны өдрийн 18:00 цаг хүртэл Хуульчдын холбооны 506 тоотод хүлээн авна.

    Нэмэлт мэдээллийг Монголын Хуульчдын холбооны Тамгын газрын мэргэжилтэн О.Одончимэг /Утас: 99002435/-тай холбогдож авна уу.