Монголын Хуульчдын холбооны ерөнхийлөгчийн нэрэмжит “Моск trial” шүүхийн мэтгэлцээний тэмцээн өнөөдөр Эрүүгийн хэргийн шүүхийн мэтгэлцээнээр эхэллээ. Эрүүгийн хэргийн шүүхийн мэтгэлцээнд МУИС-ийн ХЗС, “Их засаг”, “Шихихутуг”, “Улаанбаатар”, Монголын Үндэсний их сургууль, “Билиг” зэрэг сургуулийн зургаан баг өрсөлдөж оюун ухаан, ур чадвараа уралдуулсанаас тэргүүн байрт "Шихихутуг"  сургуулийн баг, дэд байрт МУИС-ийн ХЗС-ийн баг шалгарлаа. 

    Хууль зүйн сургуулийн оюутнуудыг “бодит хэрэг” маргаан дээр ажиллуулж шүүхэд нэхэмжлэл, хариу тайлбар боловсруулан гаргах, нотлох баримтад дүн шинжилгээ хийх, өмгөөлөгчийн байр сууринаас үйлчлүүлэгчийнхээ эрх, хууль ёсны ашиг сонирхлыг хэрхэн хамгаалж оролцох зэргээр мэтгэлцээний үндсэн дээр мэргэжлийн дадал, ур чадварыг эзэмшүүлэх зорилготой тус тэмцээн тавдугаар сарын 07, 08-нд иргэний хэрэг болон захиргааны хэргийн шүүхийн мэтгэлцээнээр УЕПГ-ын дэргэдэх Сургалт, судалгааны төвд үргэлжилнэ.