Монголын Хуульчдын холбооны ерөнхийлөгчийн нэрэмжит “Моск trial” шүүхийн мэтгэлцээний тэмцээн өнөөдөр /2016.05.08/ Захиргааны хэргийн шүүхийн мэтгэлцээнээр өндөрлөлөө. Захиргааны хэргийн шүүхийн мэтгэлцээний тэмцээнд МУИС-ийн ХЗС, Хууль сахиулахын их сургууль, “Их засаг”, “Шихихутуг”, “Улаанбаатар”, “Отгонтэнгэр” зэрэг сургуулийн зургаан баг өрсөлдсөнөөс Олон улсын “Улаанбаатар” их сургуулийн баг тэргүүн байрт,  МУИС-ийн ХЗС-ийн баг дэд байрт шалгарлаа.

    Хууль зүйн сургуулийн оюутнуудыг “бодит хэрэг” маргаан дээр ажиллуулж шүүхэд нэрэмжлэл, хариу тайлбар боловсруулан гаргах, нотлох баримтад дүн шинжилгээ хийх, өмгөөлөгчийн байр сууринаас үйлчлүүлэгчийнхээ эрх, хууль ёсны ашиг сонирхлыг хэрхэн хамгаалж оролцох зэргээр мэтгэлцээний үндсэн дээр мэргэжлийн дадал, ур чадварыг эзэмшүүлэх зорилготой тус тэмцээний шагнал гардуулах ёслолын ажиллагаа маргааш /2016.05.09/ 12:00 цагт Хуульчдын холбооны 304 тоотод болно.