Монголын Хуульчдын холбооны Захиргааны эрх зүйн хорооны бүх гишүүдийн хурал өнгөрсөн бямба /2016.05.07/ гаригт амжилттай боллоо. Хурлыг Захиргааны эрх зүйн хорооны тэргүүн Д.Ганзориг удирдан явуулсан бөгөөд нээлтэд Хуульчдын холбооны ерөнхийлөгч Б.Гүнбилэг оролцож, хурлын үйл ажиллагаанд амжилт хүссэн юм.

 Хурлын үеэр Захиргааны эрх зүйн хорооны 2014-2015 оны тайланг Хорооны удирдах зөвлөлийн гишүүн Д.Сүнжид танилцуулсан бол Захиргааны хэрэг шүүхэд хянан шийдвэрлэх тухай хуулийн талаар Удирдах зөвлөлийн гишүүн Ц.Цогт, МУИС-ийн ХЗС-ийн дэд захирал Г.Банзрагч нар мэдээлэл өгсөн. Мөн хурлаар хорооны дүрмээ батлахын зэрэгцээ хуралд оролцогчдыг хөгжөөх үүднээс АХА тэмцээн зохион байгуулж ялагчдыг урамшуулж, мандатын дугаараар сугалаа явуулж азтан тодрууллаа.