Монгол Улсад Өмгөөллийн байгууллага үүсэн байгуулагдсан өдрийг тохиолдуулан “Иргэддээ-Тусалъя” Хууль зүйн үнэ төлбөргүй зөвлөгөө өгөх өдөрлөгийг 2016 оны 05 сарын 27-ны өдрийн 09:00-17:00 цагт  Чингисийн талбайд зохион байгуулна.

    Хуульч, өмгөөлөгч, өмгөөллийн нөхөрлөлүүд нь иргэдэд үнэ төлбөргүй Хууль зүйн зөвлөгөө өгөх өдөрлөгт оролцож байгаа нь Өмгөөллийн байгууллага болон өөрийн ажил үүргийг олон нийтэд сурталчлах, нийгмийн өмнө хүлээсэн үүргээ биелүүлж байгаа нэг илрэлхийлэл тул Өмгөөллийн нөхөрлөлүүд, хуульч, өмгөөлөгч та бүхнийг өдөрлөгт идэвхтэй оролцохыг урьж байна.

    Өдөрлөгт идэвхтэй оролцсон өмгөөлөгч, өмгөөллийн нөхөрлөлүүдэд зохион байгуулагчдын талархалыг олгоно. Мөн Өдөрлөгийн үйл ажиллагаанд идэвхтэй оролцсон өмгөөллийн нөхөрлөлүүдээс шилдэг өмгөөллийн нөхөрлөлийг шалгаруулж, урамшуулна.

    Шилдэг нөхөрлөлийг шалгаруулахдаа дараах шалгуур үзүүлэлтүүдийг баримтлана. Үүнд:

1. Хамгийн олон иргэдэд үнэ төлбөргүй Хууль зүйн зөвлөгөө өгсөн
2. Өдөрлөгийн үйл ажиллагаанд хамгийн олон өмгөөлөгч оролцуулсан,
3. Нөхөрлөлийн үйл ажиллагаагаа хамгийн сайн сурталчилсан г.м зохион байгуулалт, идэвх, санаачилгыг үнэлж шалгаруулна.

    Шагналын сан: 200.000 төгрөг

        Чингисийн талбай болон дүүргүүд дээр Хууль зүйн зөвлөгөө өгөх нөхөрлөл, хуульч өмгөөлөгчдийг бүртгэж байна. Утас: 70126862, 70126861, 70127491


 

Монголын Өмгөөлөгчдийн Холбоо

Нийслэлийн өмгөөлөгчдийн зөвлөл

2015.05.23