`МУИС-ийн ХЗС-ийн дэргэдэх Харьцуулсан эрх зүй, олон улсын эрх зүйн судлалын төв, Хуул зүйн академи, Отгонтэнгэр Их Сургууль, Хууль Зүйн үндэсний хүрээлэн, Үндсэн Хуулийн Цэцийн судалгааны төвийн хамтран зохион байгуулсан "Олон улсын эдийн засгийн харилцаан дахь Монгол Улсын өрсөлдөх чадвар (хөрөнгө оруулалтын гэрээний эрх зүйн орчин)" сэдэвт эрдэм шинжилгээний олон улсын бага хурал 2016 оны 05 сарын 23-ны өдөр ХЗҮХ-ийн Хуульчдын танхимд боллоо.

    Тус хурлыг ХЗС-ийн хувийн эрх зүйн тэнхимийн дэд профессор доктор (Ph.D) Т. Мэндсайхан нээж үг хэллээ. Мөн МУИС-ийн ХЗС-ийн Нийтийн эрх зүйн тэнхимийн профессор доктор (Ph.D) В. Оюумаа "Олон улсын эдийн засгийн харилцааны оролцогч-төр (улс) онолын зарим асуудал" сэдвээр, МУИС-ийн ХЗС-ийн Хувийн эрх зүйн тэнхимийн дэд профессор доктор (Ph.D) Т. Мэндсайхан "Олон улсын эрх зүйн маргаан шийдвэрлэх Монгол улсын чадавх" сэдвээр, МУИС-ийн ХЗС-ийн хувийн эрх зүйн тэнхимийн ахлах багш Э. Байгал "Олон улсын хөрөнгө оруулалтын гэрээний арбитр- хөрөнгө оруулагчийг тодорхойлох асуудал" сэдвээр, МУИС-ийн ХЗС-ийн Нийтийн эрх зүйн тэнхимийн ахлах багш М.Уянга "Дэлхийн худалдааны байгууллагын гэрээний хүрээнд дотоодын зах зээлийг хамгаалах эрх зүйн асуудал" сэдвээр, МУИС-ийн ХЗС-ийн Хувийн эрх зүйн тэнхимийн дэд профессор доктор (Ph.D) С. Должин "Дахин хөрөнгөжүүлэх түүний эдийн засгийн ач холбогдол" сэдвээр тус тус илтгэл тавьж амжилттай оролцлоо.