Монгол Улсын Засгийн газрын 2010 оны 172 дугаар тогтоолоор жил бүрийн зургадугаар сарын дөрөв дэх ням гаригт “Хуульчдын өдөр”-ийг тэмдэглэдэг болсон. Монголын Хуульчдын холбооноос “Хуульчдын өдөр”-ийг угтан өнөөдөр Хууль зүйн үндэсний хүрээлэнгийн хойно байрлах “Хуульчдын талбай”-д өдөрлөг зохион байгуулж байна. Өдөрлөгийн үеэр:
- Хуульчдын холбооны “Хүндэт тэмдэг” гардуулах ёслолын ажиллагаа боллоо.
- Хуульчдын холбооны “Шилжин явах цом-2016” тэмцээний ялагч багт цом гардууллаа.
- Шинэ хуулиудын гарын авлага, ном, товхимолыг үнэ төлбөргүй олгож байна.
- Хууль зүйн үнэ төлбөргүй зөвлөгөө өгөх, Нотариатын үйлчилгээг үнэ төлбөргүй үзүүлэх үйл ажиллагаа 15:00 цаг хүртэл үргэлжилнэ. Өдөрлөгийн зургийг ЭНД-ээс үзнэ үү.
