“Хуульчдын өдөр”-ийг тохиолдуулан Монголын Хуульчдын холбооны ерөнхийлөгчийн тушаалаар Үндсэн хуулийн цэцийн гишүүн, Захиргааны эрх зүйн хорооны тэргүүн Д.Ганзориг, Нийслэлийн иргэний хэргийн давж заалдах шатны шүүхийн шүүгч, Иргэний эрх зүйн хорооны тэргүүн Г.Даваадорж, Нийслэлийн Эрүүгийн хэргийн давж заалдах шатны шүүхийн шүүгч, Шүүгчдийн хорооны тэргүүн Ц.Оч,  УИХ-ын Хууль зүйн байнгын хорооны ахлах зөвлөх, хуульч Б.Баасандорж, тус хорооны зөвлөх, хуульч Т.Оюунчимэг, хуульч О.Алтангэрэл нарыг Хуульчдын холбооны “Хүндэт тэмдэг”-ээр шагналаа. Эдгээр эрхмүүд нь хуульчдын мэдлэг, ур чадварыг дээшлүүлэх, Мэргэжлийн хариуцлагын хорооны үйл ажиллагаанд холбогдох журмын төслийг боловсруулах, батлуулах, хууль тогтоох үйл ажиллагаанд мэргэжлийн шинжээчийн туслалцаа үзүүлэхэд үр бүтээлтэй ажиллаж, Хуульчдын холбооны хөгжилт үнэтэй хувь нэмэр оруулсан юм.