Хуульчийн эрх зүйн байдлын тухай хуулийн 45 дугаар зүйлийн 45.1.11 дэх хэсэгт заасны дагуу Хуульчдын холбоо нь хуульчийн нийтэд тустай мэргэжлийн үйл ажиллагаа болон төлбөрийн чадваргүй иргэдэд өмгөөллийн үйлчилгээ үзүүлэх ажлыг зохион байгуулах чиг үүргийг хэрэгжүүлдэг билээ. Энэ хүрээнд Хуульчдын холбооноос 2016 оны 07 дугаар сарын 04-ны өдөр ХАХНХЯ болон Хөгжлийн бэрхшээлтэй эмэгтэйчүүдийн эрхийн үндэсний төвөөс хамтран зохион байгуулсан “Гэрлээс гэрэлд” бага хуралд “Хөгжлийн бэрхшээлтэй эмэгтэйчүүдийн эрхийг хамгаалахад Монголын Хуульчдын холбооны оролцоо” сэдвээр илтгэл хэлэлцүүллээ.

    Тус хуралд Төлбөрийн чадваргүй иргэнд хууль зүйн туслалцаа үзүүлэх асуудал эрхэлсэн хороо хариуцсан мэргэжилтэн Т.Мөнх-Оргил Хуульчдын холбооноос иргэдэд үзүүлж буй хууль зүйн үнэ төлбөргүй үйлчилгээ, туслалцааны талаар танилцуулсан бөгөөд  ХАХНХЯ, Монгол Улсын Засгийн газар, Хүний эрхийн үндэсний комисс, ДЭМБ, Цагдаагийн ерөнхий газар, Нийслэлийн онцгой байдлын газар, “Өнөр бүл” төрийн бус байгууллагын төлөөлөл оролцож илтгэл хэлэлцүүлсэн юм.

Илтгэлийг ЭНД дарж татаж авна уу.