Төр, хувийн хэвшлийн түншлэлийн тухай хууль

Хууль, эрх зүйн орчны өөрчлөлт, шинэчлэлтийн талаарх мэдлэг, мэдээллийг олон нийтэд тогтмол хүргэх үндсэн зорилгын хүрээнд Монголын Хуульчдын холбоо нь онцлох хуулийн төсөл, шинээр батлагдсан болон шинэчлэгдэн, өөрчлөгдсөн хууль тогтоомжуудыг танилцуулж байгаа билээ. Энэ удаа Төр, хувийн хэвшлийн түншлэлийн тухай хуулийг танилцуулж байна. 

Монгол Улсын Засгийн газраас санаачилсан Төр, хувийн хэвшлийн түншлэлийн тухай анхдагч хуулийн төслийг Улсын Их Хурлын 2022 оны 12 дугаар сарын 09-ний өдрийн нэгдсэн хуралдаанаар хэлэлцэн, баталжээ.

Тус хууль нь 9 бүлэг, 60 зүйлтэй, төр, хувийн хэвшлийн түншлэлийг нийтийн зориулалттай дэд бүтэц, төрийн үйлчилгээний салбарт хэрэгжүүлэх үндсэн зорилтын хүрээнд батлагдсан байх бөгөөд дараах агуулга бүхий зохицуулалтууд тусгагдсан байна:

  • Нийтийн зориулалттай дэд бүтэц гэж нийтэд зориулсан төрийн үйлчилгээний барилга байгууламж, авто зам, төмөр зам, дүүжин зам, газрын доор, дээр байрлах замын байгууламж, бүх төрлийн инженерийн шугам сүлжээ, гамшиг, ослоос урьдчилан сэргийлэх энгийн болон инженерийн хийц, бүтээц бүхий байгууламжийг ойлгох;
  • Төрийн үйлчилгээ гэдэгт иргэдийн ая тухтай амьдрах таатай орчныг бүрдүүлэх зорилгоор дэд бүтэц, эрчим хүч, зам, тээвэр, эрүүл мэнд, боловсрол, соёл болон холбогдох бусад салбарт төрөөс иргэдэд тэгш, чанартай, үр ашигтай, хууль тогтоомж, стандартын дагуу үзүүлж байгаа олон нийтэд зориулсан үйлчилгээг ойлгох;
  • Төр, хувийн хэвшлийн түншлэл нь батлан хамгаалах, банк, санхүүгийн зах зээлийн бүх төрлийн үйлчилгээ, уул уурхайн салбарын дэд бүтцээр дамжуулан олон нийтэд үйлчилгээ үзүүлэхээс бусад ашиг олох зорилготой ашигт малтмал эрэх, хайх, олборлох, ашиглах үйл ажиллагаанд хамаарахгүй байх;
  • Түншлэлийг хэрэгжүүлэх нийтийн зориулалттай дэд бүтэц, төрийн үйлчилгээний салбар, чиглэлийг Засгийн газар батлах;
  • Түншлэлийн гэрээтэй байх, тухайлбал хуульд “зураг төсөл, төсвийг боловсруулах, барих, ашиглах, шилжүүлэх”, “барих, ашиглах, шилжүүлэх”, “барих, түрээслэх, ашиглах, шилжүүлэх” зэрэг нийт 9 төрлийн гэрээг нэр зааж хуульчилсан бөгөөд мөн бүрэн шинжилгээгээр тодорхойлсон бусад төрлүүд байж болох; 
  • Түншлэлийн санхүүжилт нь нэгдүгээрт түншлэлийн төслийн зардлыг хэрэглэгчийн төлбөр, хураамж болон төслийн орлогоор санхүүжүүлэх, хоёрдугаарт түншлэлийн төслийн зардлыг түншлэлийн гэрээнд заасны дагуу төсвөөс санхүүжүүлэх, гуравдугаарт дээрх хоёр төрлийг хослуулсан байдалтай байх;
  • Төр, хувийн хэвшлийн түншлэл нь түншлэлийн асуудал эрхэлсэн төрийн захиргааны төв байгууллага буюу Эдийн засгийн хөгжлийн яамны эрхлэх асуудалд хамаарах, төр, хувийн хэвшлийн төсөв, санхүүгийн удирдлага, хяналт нь Сангийн яамны эрхлэх асуудлын хүрээнд хамаарах;
  • Түншлэлийн төвийг Засгийн газрын шийдвэрээр түншлэлийн асуудал эрхэлсэн төрийн захиргааны төв байгууллагын харьяанд байгуулах;
  • Түншлэлийн төв түншлэлийн төслийн саналыг түншлэлээр хэрэгжүүлэх боломжтой эсэх судалгаа хийх, түншлэгч талуудад мэргэжил, арга зүйн туслалцаа үзүүлэх, түншлэлээр хэрэгжүүлэх төслийн урьдчилсан үнэлгээ, бүрэн шинжилгээ, урьдчилсан болон нарийвчилсан техник, эдийн засгийн үндэслэл, эрсдэлийн шинжилгээ, үнэлгээг төрийн түншлэгч болон мэргэжлийн зөвлөх, төслийн багтай хамтран боловсруулах зэрэг 11 чиг үүргийг хэрэгжүүлэх г.м.
     
Энэ мэдээ танд ямар санагдав?
1
1
0
0
0
0
Холбоотой мэдээлэл
0 Сэтгэгдэл
ШИНЭ МЭДЭЭ
"ХУУЛЬЧДЫН ФОРУМ-2024"-ЫН ХӨТӨЛБӨР
21 цаг 4 мин
“MOCK TRIAL-ЗХШ 20 ЖИЛ” МЭТГЭЛЦЭЭНИЙ ТЭМЦЭЭНИЙ АВАРГА ТОДОРЛОО
2024-04-15 17:25
“MOCK TRIAL-ЗХШ 20 ЖИЛ” ШҮҮХИЙН МЭТГЭЛЦЭЭНИЙ ТЭМЦЭЭН МАРГААШ ЭХЭЛНЭ
2024-04-12 18:48
"ХУУЛЬ ЗҮЙН ҮЙЛЧИЛГЭЭ БА ХИЙМЭЛ ОЮУН УХААНЫ (AI) ХЭРЭГЛЭЭ" СЭДЭВТ УУЛЗАЛТ, ЯРИЛЦЛАГА БОЛЛОО
2024-04-11 17:18
ХУУЛЬЧДЫН АНХААРАЛД
2024-04-11 16:45
ХУУЛЬ ЗҮЙН ЗӨВЛӨГӨӨ ҮНЭ ТӨЛБӨРГҮЙ ӨГӨХ ӨДӨРЛӨГ БОЛНО
2024-04-11 12:12
“ХУУЛЬЧДЫН ФОРУМ-2024” –ИЙН БҮРТГЭЛ ЯВАГДАЖ БАЙНА
2024-04-10 23:15
Санхүүгийн зохицуулах хорооноос Олон нийтийн санхүүгийн мэдлэгийг дээшлүүлэх
2024-04-10 10:02
"ХУУЛЬЧИЙН МЭРГЭЖЛИЙН ЁС ЗҮЙ" ПОДКАСТ №2
2024-04-09 23:30
“Монгол Улсад арилжааны шүүхийн шийдвэрийн биелэлтийг бэхжүүлэх нь” төслийн мэргэжилтнүүдийг хүлээн авч уулзлаа
2024-04-09 17:17
МОНГОЛ ДАХЬ ГАДААДЫН ХӨРӨНГӨ ОРУУЛАЛТЫН ЭРХ ЗҮЙН ОРЧИН СЭДЭВТ ДУГУЙ ШИРЭЭНИЙ ХЭЛЭЛЦҮҮЛЭГ БОЛЛОО
2024-04-08 14:04
БАЯНЗҮРХ ДҮҮРГИЙН ИРГЭНИЙ ХЭРГИЙН ШҮҮХИЙН ҮЙЛ АЖИЛЛАГААТАЙ ТАНИЛЦЛАА
2024-04-05 13:58
“ХУУЛЬЧДЫН ФОРУМ-2024” –ИЙН БҮРТГЭЛ ЭХЭЛЛЭЭ
2024-04-02 16:50
ХУУЛЬЧДЫН ЭРҮҮЛ МЭНДИЙН АЯЛАЛД БҮРТГЭЖ БАЙНА
2024-04-02 14:52
"ХУУЛЬ ЗҮЙН ҮЙЛЧИЛГЭЭ БА ХИЙМЭЛ ОЮУН УХААНЫ (AI) ХЭРЭГЛЭЭ" СЭДЭВТ УУЛЗАЛТ, ЯРИЛЦЛАГА
2024-04-02 08:51
"ШҮҮХИЙН ЦАХИМЖИЛТ ба ТУЛГАМДСАН АСУУДАЛ” ХЭЛЭЛЦҮҮЛЭГ БОЛЛОО
2024-04-01 10:01
"ХУУЛЬЧИЙН МЭРГЭЖЛИЙН ЁС ЗҮЙ" ПОДКАСТ №1
2024-03-30 15:19
“ЗЕХ§47: ЗАХИРГААНЫ АКТ ИЛТ ХУУЛЬ БУС БОЛОХ НЬ” СЭДВЭЭР ТАНХИМЫН СУРГАЛТ БОЛЛОО
2024-03-29 16:43
ЭРДЭМ ШИНЖИЛГЭЭНИЙ ХУРЛЫГ АМЖИЛТТАЙ ЗОХИОН БАЙГУУЛЛАА
2024-03-29 09:38
ДОТООД ХЭРГИЙН ИХ СУРГУУЛИЙН 2024-2025 ОНЫ МАГИСТР, ДОКТОРЫН ЭЛСЭЛТИЙН БҮРТГЭЛ ЭХЭЛЛЭЭ
2024-03-27 16:55