Монголын Хуульчдын холбоо нь Засгийн газрын хэрэгжүүлэгч агентлаг Биеийн тамир, спортын улсын хороотой хамтран ажиллахаар болж, Монгонголын Хуульчдын холбооны Ерөнхийлөгч П.Одгэрэл, Биеийн тамир, спортын улсын хорооны дарга Э.Билэгт нар 2025 оны 11 дүгээр сарын 19-ний өдөр хамтран ажиллах санамж бичигт гарын үсэг зурж баталгаажлаа. 

Талууд Биеийн тамир, спортын хууль тогтоомжийг боловсронгуй болгох, хуулийн хэрэгжилтийн үнэлгээ, хамтарсан судалгаа хийх, Биеийн тамир, спортын байгууллагын албан хаагчдад зориулсан эрх зүйн сургалт зохион байгуулах, Хуульчдын холбооны гишүүдийн биеийн тамир, спортын үйл ажиллагаанд мэргэжлийн дэмжлэг, туслалцаа үзүүлэх зэрэг ажлыг хамтран хэрэгжүүлэх юм. 

Санамж бичигт гарын үсэг зурах ёслолд Монголын Хуульчдын холбооны Тамгын газрын дарга Ш.Жолбарс, Зөвлөлийн гишүүн, Хууль зүйн шинжлэх ухаан, боловсролын хөгжлийг дэмжих асуудал эрхэлсэн хорооны дарга М.Мөнхбат нар оролцсон.