Чимид сангаас Монгол Улсын Иргэний хуулийн тайлбар номыг шинэчлэн хэвлүүлжээ.

Монгол Улсын Иргэний хуулийн тайлбарын цуврал хоёр бүтээлийг нэгтгэсэн бөгөөд Иргэний хуулийн IV бүлэг (гэрээний бус үүрэг), V бүлэг (өвлөх), VI бүлэг (Олон Улсын иргэний эрх зүй)-ийн бичвэрийг нэмж орууснаар тус хуулийг бүтнээр нь үзэж судлах боломжийг бүрдүүлсэн байна. Түүнчлэн Иргэний хуулийн хүчин төгөлдөр мөрдөгдөж эхэлснээс хойш түүний зарим заалттай холбогдолтой гарсан Монгол Улсын Үндсэн хуулийн цэцийн шийдвэрийн болон Монгол Улсын дээд шүүхийн тогтоолоор баталсан тайлбарын жагсаалтыг нэмж хавсралтаар оруулжээ.

Тус бүтээл нь хуульчдад ажил үүргээ гүйцэтгэхэд, хууль зүйн их, дээд сургуулийн багш, оюутнууд онолын мэдлэгийн цар хүрээгээ нэмэгдүүлэхэд сургалтын гарын авлага болох төдийгүй төрийн, олон нийтийн, хувийн хэвшлийн байгууллагын ажилтнууд болон иргэд иргэний эрх зүйн төрөл бүрийн харилцаанд оролцоход туслах, хууль зүйн мэдлэгээ дээшлүүлэхэд чухал холбогдолтой ширээний, байнгын хэрэглээний ном билээ.  

Тус бүтээлийг Хууль зүйн номын худалдаа, Монголын Хуульчдын холбоо, Монголын Өмгөөлөгчдийн холбооноос худалдан авах боломжтой.

Үнэ: 150.000 төгрөг