Монголын Хуульчдын холбооны Өмгөөллийн хуулийн этгээдүүдийн хөгжлийг дэмжих хорооны санаачилгаар “Өмгөөллийн хуулийн этгээдүүдийн туршлага солилцох өдөрлөг”-ийг 2025 оны 11 дүгээр сарын 14-ний өдөр зохион байгууллаа.
Өдөрлөгийг Монголын Хуульчдын холбооны Ерөнхийлөгч П.Одгэрэл нээж үг хэлсэн бөгөөд тус Хороо нь идэвх, санаачилгатай ажиллаж байгааг сайшааж, хүрэлцэн ирсэн хуульчдад талархал илэрхийллээ.
Тус өдөрлөгт “Хуулийн фирмийн өнөөгийн нөхцөл байдал, ирээдүйн чиг хандлага” сэдвээр Өмгөөллийн “Дашням партнерс” ХХК-ийн үүсгэн байгуулагч, партнер Д.Золжаргал, “Монгол Улсад үйл ажиллагаа явуулж байгаа олон улсын хуулийн фирмийн онцлог, давуу тал” сэдвээр “Грата Интернэшнл Монголиа” ХХН-ийн Партнер В.Болормаа, “Технологийн салбар дагнасан зөвлөх үйлчилгээний онцлог, туршлага” сэдвээр Өмгөөллийн “Виндекс ХХН-ийн Партнер, Гүйцэтгэт захирал Б.Наранцэцэг, “Хуулийн фирмийн пробоно үйл ажиллагаа” сэдвээр Өмгөөллийн “Легал гайд” ХХК-ийн Гүйцэтгэх захирал Ч.Отгонбаатар, “Өмгөөллийн хуулийн этгээдүүдийн үйл ажиллагаанд гарч буй хүндрэлүүд, шийдвэрлэх арга замууд” сэдвээр Өмгөөллийн хуулийн этгээдүүдийн хөгжлийг дэмжих хорооны тэргүүн, Өмгөөллийн “Анта партнерс” ХХК-ийн Ерөнхий захирал Д.Түвшинтамир нар тус тус илтгэл хэлэлцүүлж, өөрсдийн туршлагыг хуваалцлаа.
Тус хорооны зүгээс энэ онд Өмгөөллийн хуулийн этгээдүүдийн үйл ажиллагааг дэмжих, тэдний хамтын ажиллагааг хөгжүүлэх, Монголын Хуульчдын холбооны үйл ажиллагаанд дэмжлэг болохуйц олон үйл ажиллагааг зохион байгуулсан бөгөөд цаашид ч үр өгөөжтэй арга хэмжээг зохион байгуулахаар төлөвлөжээ.
Энэхүү өдөрлөгийн үеэр Монголын Хуульчдын холбооны шинэ байртай болох санаачилгыг дэмжиж хандив өгсөн өмгөөллийн хуулийн этгээдүүд болон хуульчдад талархал илэрхийлж, талархлын бичиг гардуулж, ажлын амжилт хүссэн.
