Монголын Хуульчдын холбооны Ерөнхийлөгч П.Одгэрэл, Жендэрийн Үндэсний хорооны Нарийн бичгийн дарга бөгөөд Ажлын албаны дарга Т.Энхбаяр нар хамтран ажиллах санамж бичигт 2024 оны 11 дүгээр сарын 08-ны өдөр гарын үсэг зурж, баталгаажууллаа.
Энэхүү санамж бичгээр Монгол Улсын Жендэрийн эрх тэгш байдлыг хангах тухай хууль, Жендэрийн эрх тэгш байдлыг хангах салбар дундын стратеги төлөвлөгөө /2022-2031/-ний хэрэгжилтийг дэмжих, хууль тогтоомжид жендэрийн үзэл баримтлалыг нэвтрүүлэх чиглэлээр хамтран ажиллах юм.
Түүнчлэн Жендэрийн эрх тэгш байдлыг хангах тухай хуулийг хэрэглэх гарын авлага боловсруулах, Монголын Хуульчдын холбооны 21 аймгийн салбарт жендэрийн үндэсний сургагч багш нарыг үе шаттайгаар бэлтгэх, Хуульчийн мэргэжлийн шалгалтад жендэрийн агуулгыг тусгаж, агуулга, хөтөлбөрийг тогтмол шинэчлэн сайжруулах зэрэг ажлыг хэрэгжүүлэхээр тусгалаа.
Тус санамж бичигт гарын үсэг зураг ёслолд Монголын Хуульчдын холбооны ахлах мэргэжилтэн Ж.Бариаширсүрэн, Жендэрийн Үндэсний хорооны шинжээч Б.Долгор болон холбогдох мэргэжилтнүүд оролцлоо.
