Монголын Хуульчдын холбооны Тамгын газрын дарга Ш.Жолбарс, “Зангиа академи” ХХК-ийн Захирал Б.Батгэрэл нар өнөөдөр хамтран ажиллах санамж бичигт гарын үсэг зурж баталгаажууллаа.

   Санамж бичгийн хүрээнд “Зангиа Академи” ХХК нь Монголын Хуульчдын холбооны албан хаагчдад “Зангиа академийн сургалтын удирдлагын систем”-ийг ашиглах тусгай эрхийг олгохын зэрэгцээ zangia.mn-д байршсан мэргэжлийн болон хувь хүний чадварыг хөгжүүлэх дотоод  цахим сургалтыг судлах боломжоор хангах юм. Түүнчлэн тус академийн сургалтын платформыг сургалт, үйл ажиллагаандаа ашиглахаар тохиролцлоо.

   Мөн Монголын Хуульчдын холбоо нь Монгол Улсын Үндсэн хууль, Зөрчлийн тухай хууль, Эрүүгийн хууль, Иргэний хууль, Компанийн тухай хууль, Хөдөлмөрийн тухай хуулийн тестүүдийг бэлтгэн zangia.mn-д иргэдэд нээлттэй байршуулна. Тодруулбал, эрх зүйч мэргэжлээр суралцаж буй оюутан, иргэдийн мэдлэгээ сорих, суралцах боломжийг дэмжих хүрээнд Монголын хуульчдын холбоо нь цаашид хуулийн тестийг баяжуулах замаар “Зангиа академи”-ийг дэмжин ажиллах юм.