Монголын Хуульчдын холбоо, Герман Европын эрх зүйн төв, УИХ-ын Парламентийн сургалт, судалгаа, хөгжлийн хүрээлэн хамтран “ЦАХИМ ЭРХ ЗҮЙН ОЛОН УЛСЫН ЧИГ ХАНДЛАГА” сэдэвт хэлэлцүүлэгийг 2025 оны нэгдүгээр сарын 31-ний өдөр  зохион байгууллаа.

Тус хэлэлцүүлгийг Монголын Хуульчдын холбооны Ерөнхийлөгч П.Одгэрэл, Хансс Зайдел сангийн Монгол дахь суурин төлөөлөгч Феликс Гленк, Герман Европын эрх зүйн төвийн захирал Т.Золбоо нар нээж үг хэлсэн бөгөөд Бүгд Найрамдах Ардчилсан Конго улсын Конгогийн Киквит ба Католик их сургуулийн доктор, профессор Лумингү Манзанза “БНАКУ-ын Шүүх засаглалыг цахимжуулахад тулгарч буй бэрхшээлүүд” сэдвээр, ХБНГУ-ын Юлиус-Максимилианы нэрэмжит Вюрцбургийн их сургуулийн Эрүүгийн эрх зүй, Эрүүгийн байцаан шийтгэх эрх зүй, Эрх зүйн онол, мэдээллийн эрх зүй, эрх зүйн мэдээлэл зүйн асуудал хариуцсан тэнхимийн эрхлэгч Проф. Доктор. Эрик Хилгендорф “Авлига - Эрх зүйт төрийн сорилт” сэдвээр, ХБНГУ-ын “Рехтс- унд Фаханвэлтэ” хуулийн фирмийн партнер, өмгөөлөгч, доктор Северин Лоефлер “Цахимжилт ба өмгөөлөл” сэдвээр, Вюрцбургийн Их Сургуулийн Эрдэм шинжилгээний туслах ажилтан Йоханнес Хартлейн “Европын Холбооны Хиймэл оюун ухааны тухай шинэ Тогтоол” сэдвээр,   МХХ-ны ИЭЗ хорооны Тэргүүн, Нийслэлийн Иргэний хэргийн давж заалдах шатны шүүхийн шүүгч Г.Даваадорж “ "Монгол Улсын цахим шилжилтийн эрх зүйн орчин ба тулгамдсан асуудлууд" сэдвээр тус тус илтгэл хэлэлцүүллээ.