Хуульч, судлаач, хууль зүйн салбарын мэргэжилтэн Та бүхнийг 2026 оны 06 дугаар сарын 12-ны өдөр зохион байгуулагдах “ЯПОН УЛСЫН ГЭР БҮЛИЙН ТУХАЙ ХУУЛИЙН ШИНЭЧЛЭЛ БА ГЭР БҮЛИЙН ШҮҮХИЙН ТОГТОЛЦОО” сэдэвт хэлэлцүүлэгт хүрэлцэн ирэхийг урьж байна.

Тус хэлэлцүүлгийн зочин илтгэгчээр Япон Улсын Каназава их сургуулийн Ерөнхийлөгчийн зөвлөх, профессор Года Ацүко оролцох бөгөөд тэрээр Япон Улсын гэр бүлийн шүүхийн тогтолцоо болон гэр бүлийн эрх зүйн шинэчлэлийн чиглэлээр олон жилийн судалгаа, практик туршлагатай эрдэмтэн юм. Мөн Япон Улсын гэр бүлийн шүүхийн эрх зүйн зохицуулалтын шинэчлэл, хуулийн төсөл боловсруулах үйл ажиллагаанд биечлэн оролцож ажилласан болно.

Хэлэлцүүлгээр:

• Япон Улсын гэр бүлийн эрх зүйн шинэчлэлийн чиг хандлага;
• Гэр бүлийн шүүхийн тогтолцоо, онцлог;
• Гэр бүлийн маргаан шийдвэрлэх ажиллагааны практик;
• Хүүхдийн эрх, гэр бүлийн харилцаанд баримталж буй орчин үеийн хандлага зэрэг сэдвээр мэдээлэл, туршлага солилцоно.

Мөн илтгэлийн дараа оролцогчид зочин илтгэгчээс асуулт асууж, чөлөөт хэлэлцүүлэг өрнүүлэх боломжтой.

Оролцох хуульчид дараах холбоосоор нэвтэрч бүртгүүлнэ үү. https://forms.gle/6SPdV87W4YWwFPAg8