Монголын Хуульчдын холбоо нь Хансс Зайделийн сантай хамтран Хуульчийн үргэлжилсэн сургалтын сургагч багш нарын хичээл заах арга, хэлбэрийг сайжруулах, туршлага, санал солилцох зорилгоор “Сургагч багш чадавхжуулах” сургалт, уулзалтыг 2026 оны 06 дугаар сарын 26-ны өдөр зохион байгууллаа.
Сургалтыг МХХ-ны Зөвлөлийн гишүүн, ХЗШУ,БХДАЭХорооны дарга, хууль зүйн ухааны доктор, профессор Ц.Мөнхбат болон Хансс Зайделийн сангийн Эрх зүйн хөтөлбөрийн зохицуулагч С.Амармэнд нээж үг хэллээ.
Сургалтад МУИС-ын Боловсрол судлалын тэнхимийн багш дэд профессор, PhD Д.Золжаргал, МУИС-ын Боловсрол судлалын тэнхимийн ахлах багш PhD У.Лхагвасүрэн, Дэлхийн Эерэг сэтгэл заслын холбооны үндсэн сэтгэл засалч, танин мэдэхүйн зан үйлийн сэтгэл засалч, сэтгэл зүйч Б.Мөнгөнцэцэг, “BTG akademy”-ийн багш Hannah Silva нар сургалтын хөтөлбөр, агуулгад судалгаа, дүн шинжилгээ хийх, тус дүн шинжилгээний үндсэнд сургалтын хөтөлбөрийг шинэчлэн сайжруулах, мэргэшүүлэх чиглэлээр хичээл орсон ба УЕПГ-ын дэргэдэх Сургалт, судалгааны хүрээлэнгийн Сургалтын албаны дарга, ахлах прокурор, Хуульчийн үргэлжилсэн сургалтын асуудал эрхэлсэн хорооны дарга PhD, дэд профессор Б.Өнөрмаа сургалтад хамрагдсан сургагч багш нарт гэрчилгээ гардуулж, цаашид сургалтын хөтөлбөрийг хууль эрх зүйн шинэчлэлт өөрчлөлттэй уялдуулан холбогдох шаардлагын дагуу боловсруулж, магадлан итгэмжлүүлэхээр ирүүлж байхыг сургагч багш нарт зөвлөлөө.
