Олон улсын хөдөлмөрийн байгууллагын Олон улсын сургалтын төв (ITCILO) болон ОУХБ-ын Ази, Номхон далайн бүсийн товчоо хамтран “Regional Gender Academy for Asia and the Pacific 2026” сургалтыг 2026 оны 11 дүгээр сарын 23–27-ны өдрүүдэд  БНХАУ-ын Бээжин хотод зохион байгуулна.

Бээжингийн тунхаглал болон Үйл ажиллагааны хөтөлбөр батлагдсанаас хойш 30 жил өнгөрч буй энэ үед тус Академи нь хиймэл оюун ухаан, хүн ам зүйн өөрчлөлт, уур амьсгалын өөрчлөлт, хөдөлмөрийн зах зээлийн хувьсал зэрэг дэлхийн хөдөлмөрийн ертөнцөд гарч буй томоохон өөрчлөлтүүд болон жендэрийн тэгш байдал, оролцоо, хөдөлмөрийн ахиц дэвшилд хэрхэн нөлөөлж буйг хэлэлцэх, туршлага солилцох боломжийг бүрдүүлнэ.

Энэхүү сургалт нь  Онлайнаар 2026 оны 11 дүгээр сарын 16–20-ны өдрүүдэд Танхимаар 2026 оны 11 дүгээр сарын 23–27-ны өдрүүдэд тус тус зохион байгуулагдана. Оролцогчид өөрийн сонирхол, хэрэгцээнд нийцүүлэн дараах чиглэлүүдээс сонгон суралцах боломжтой:

 1. Жендэрийн тэгш байдал, хиймэл оюун ухаан ба хөдөлмөрийн ирээдүй;

2. Дэлхийн нийлүүлэлтийн сүлжээ дэх жендэрийн тэгш байдал;

3. Хөдөлмөрийн ертөнц дэх хүчирхийлэл, дарамт;

4. Асаргааны эдийн засаг ба зохистой асаргааны хөдөлмөр;

5. Жендэрийн мэдрэмжтэй шударга шилжилт (Just Transition);

 Тэтгэлэг / Хөнгөлөлт

 Шаардлага хангасан оролцогчдод сургалтын төлбөрийн 50 хүртэлх хувийг хөнгөлөх хэсэгчилсэн тэтгэлэг олгох боломжтой. Өргөдлийг 2026 оны 10 дугаар сарын 5-аас өмнө илгээнэ үү! Дэлгэрэнгүй мэдээллийг дараах холбоосоор нэвтэрч авна уу. https://www.itcilo.org/courses/regional-gender-academy-2026

Өргөдөл хүлээн авах холбоос: https://oarf2.itcilo.org/STF/A3719256/en

Өргөдөл хүлээн авах эцсийн хугацаа: 2026 оны 10 дугаар сарын 5