Хуульчийн эрх зүйн байдлын тухай хуулийн 49 дүгээр зүйлийн 49.13 дахь заалт, Сайн дурын хороодын зохион байгуулалттай холбоотой нийтлэг журмын 12 дугаар зүйлд заасны дагуу Монголын Хуульчдын холбооны Өмгөөлөгчдийн хорооны дүрмийн төслийг 9 бүлэг 37 зүйлтэйгээр боловсруулсан болно. Уг дүрмийн зорилт нь Монголын Хуульчдын холбооны Өмгөөлөгчдийн хорооны удирдлага, зохион байгуулалт, гишүүдийн эрх, үүргийг тогтоохтой холбогдон үүсэх харилцааг зохицуулахад оршиж буй юм.

Өмгөөлөгчдийн хорооны дүрмийн төслийг нийт өмгөөлөгчдийн цахим шуудангийн хаягаар 2014 оны хоёрдугаар сараас есдүгээр сар хүртэл нийт зургаан удаа хэлэлцүүлсэн юм.

Мөн Өмгөөлөгчдийн хорооны дүрмийг батлахтай холбогдуулан 2014 оны 11 дүгээр сарын 3-ний өдрөөс 11 дүгээр сарын 17-ний өдрийн хооронд цахим санал хураалтыг явуулж байна. Иймд Өмгөөлөгчдийн хорооны гишүүн өмгөөлөгч та бүхэн санал хураалтад идэвхитэй оролцож энэ хугацаанд амжиж саналаа өгнө үү.

Өмгөөлөгч та санал өгөхдөө Монголын Хуульчдын холбооны http://mglbar.mn/ цахим хуудасны “Гишүүний булан” хэсэгт өөрийн ригестрийн дугаар болон гар утсанд ирсэн нууц үгийг ашиглан нэвтэрч, баруун багана дахь “сонгууль” гэсэн хэсгийг дарж ороод “Дүрэмд санал өгөх” гэсэн хэсэгт саналаа өгнө үү.

Жич: Дэлгэрэнгүй мэдээллийг 99529119, 99025467 утсаар холбогдож авна уу.

МОНГОЛЫН ХУУЛЬЧДЫН ХОЛБООНЫ ӨМГӨӨЛӨГЧДИЙН ХОРОО