Монголын Хуульчдын холбооны их хурлын төлөөлөгч сонгох журамд “Сонгуулийг Их хурлын тов тогтоосон шийдвэр гарсан өдрөөс хойш долоо хоногийн дотор Зөвлөл товлон зарлана” гэж заасан. Үүний дагуу Хуульчдын холбооны зөвлөлийн 2015.09.11-ний өдрийн хурлын 26 дугаар тогтоолоор Монголын Хуульчдын холбооны хоёрдугаар Их хурлын төлөөлөгчид нэр дэвшүүлэх ажиллагааг 2015 оны есдүгээр сарын 16-ны өдрийн 08:00 цагаас эхлүүлж, 2015 оны есдүгээр сарын 20-ны өдрийн 22:00 цагт дуусгахаар тогтоолоо. Мөн тус тогтоолоор Монголын Хуульчдын холбооны хоёрдугаар Их хурлын төлөөлөгчид нэр дэвшигчид санал өгөх ажиллагааг 2015 оны есдүгээр 21-ний өдрийн 08:00 цагаас эхлүүлж, 2015 оны есдүгээр сарын 23-ны өдрийн 22:00 цагт дуусгахаар тогтоосныг анхаарна уу.
