Монголын Хуульчдын холбооны хоёрдугаар Их хурлын төлөөлөгчид нэр дэвшигчид санал өгөх ажиллагаа есдүгээр сарын 21-23-ны өдрийн хооронд явагдаж, төлөөлөгч сонгох сонгуулийн дүнг өчигдөр Хуульчдын холбооны зөвлөлөөр хэлэлцүүлж, баталгаажууллаа.

        Санал хураалтын цахим систем нь тухайн төлөөллийн хэсэгт нэр дэвшигчийн авсан саналын тоогоор нь дараалалд оруулан жагсаалтыг автоматаар гаргасан бөгөөд таван хуульч Монголын Хуульчдын холбооны Их хурлын төлөөлөгч сонгох журмын 3.3 дугаар зүйлийн 2 дахь хэсгийн заалтыг зөрчиж, өөр төлөөллийн хэсгээс нэр дэвшин сонгогдсон байна. Тиймээс Зөвлөлийн гишүүдийн олонхын саналаар тус таван хуульчийг Хуульчдын холбооны хоёрдугаар Их хурлын төлөөлөгчөөр сонгогдсон хуульчдын нэрсийн жагсаалтаас хасахаар шийдвэрлэв.

        Иймд Хуульчдын холбооны зөвлөлөөс холбогдох хууль, дүрэм болон Монголын Хуульчдын холбооны Их хурлын төлөөлөгч сонгох журам, Хуульчдын холбооны хоёрдугаар Их хурлын төлөөлөгч сонгох сонгуулийн санал хураалтын цахим системийн дүнг тус тус үндэслэн шүүгчдийн төлөөллөөс 107, прокурорын төлөөллөөс 107, өмгөөлөгчдийн төлөөллөөс 214, бусад хуульчдын төлөөллөөс 107 төлөөлөгчийн нэрсийн жагсаалтыг баталгаажууллаа.

        Хуульчдын холбооны зөвлөлийн хурлын тогтоолыг ЭНД,  Их хурлын төлөөлөгчөөр сонгогдсон Шүүгчдийн төлөөллийн нэрсийн жагсаалтыг ЭНД, Прокуроруудын төлөөллийн нэрсийн жагсаалтыг ЭНД, Өмгөөлөгчдийн төлөөллийн нэрсийн жагсаалтыг ЭНД, Бусад хуульчдын төлөөллийн нэрсийн жагсаалтыг ЭНД дарж үзнэ үү.