Монголын Хуульчдын холбооны хоёрдугаар Их хурлыг зохион байгуулах болсонтой холбогдуулан тус холбооны Зөвлөлийн 2015 оны есдүгээр сарын 23-ны өдрийн хурлаар "Монголын Хуульчдын холбооны Ерөнхийлөгчид нэр дэвшүүлэх үйл ажиллагааны удирдамж"-ийг хэлэлцэж, баталлаа.
Хуульчдын холбооны Ерөнхийлөгчид нэр дэвшигчийн хүсэлтийг 2015 оны 09 дүгээр сарын 28-ны өдрөөс авч эхлэхээр шийдвэрлэсэн бөгөөд тус холбооны гишүүн хуульч бүр Ерөнхийлөгчид нэрээ дэвшүүлэх эрхтэй юм. Ерөнхийлөгчид нэр дэвшүүлэх хуульч нь Хуульчийн эрх зүйн байдлын тухай хууль, Монголын Хуульчдын холбооны дүрэмд заасан шаардлагыг хангасан байна.
Хуульчдын холбооны Ерөнхийлөгчид нэр дэвшүүлэх ажиллагаатай холбоотой дэлгэрэнгүй мэдээллийг тус холбооны Тамгын газрын 70116007, 70116995 утсаар эсхүл Ажлын хэсгийн хуралдааны нарийн бичгийн дарга Э.Чанцалням /Утас: 99176435/-тай холбогдон авах боломжтой.
"Монголын Хуульчдын холбооны Ерөнхийлөгчид нэр дэвшүүлэх үйл ажиллагааны удирдамж"-ийг ЭНД дарж харна уу.
