“Монголын Хуульчдын холбооны 2014 оны үйл ажиллагааны тайлан” хэвлэлтээс гарлаа. Хуульчдын холбоо нь хуульчдын мэргэжлийн өөрөө удирдах ёсны зарчмыг төлөвшүүлэхэд явуулж буй бодлого, хэрэгжүүлж буй үйл ажиллагааг гишүүн, хуульчдад ил тод нээлттэйгээр хүргэх, холбооны үйл ажиллагаанд гишүүдийн оролцоо, саналыг харгалзан үздэг жишгийг тогтоохоор зорьж буй билээ.

Энэ зорилгынхоо хүрээнд Холбооны явуулж буй үйл ажиллагааны талаар үнэн зөв, бодитой мэдээллийг агуулсан тайланг жил бүр тогтмол хэвлэн хуульчдад үнэ төлбөргүй олгож байх юм.  

Хуульчдын холбооны үйл ажиллагааны тайланд Хуульчдын холбооны зөвлөл, Хяналтын зөвлөл, Тамгын газрын үйл ажиллагааны тайлангаас гадна Хуульчдын холбооны бүтцийн байгууллагуудын чиг үүргээ хэрэгжүүлж буй байдал, хийсэн ажил, үр дүнгийн талаарх мэдээлэл багтсан юм.

Мөн тус тайлангаас Холбооны хөрөнгө санхүүгийн зарцуулалтын талаарх мэдээлэлтэй танилцаж болно. Түүнчлэн Хуульчдаас итгэл хүлээлгэн сонгогдсон Холбооны зөвлөлийн гишүүд, бүтцийн байгууллагуудад томилогдон ажиллаж байгаа хуульчдын үйл ажиллагаанд хэрхэн идэвхтэй оролцож байгаа болон хуралдаа тогтмол сууж чадаж байгаа эсэх талаарх мэдээллийг авах боломжтой.

Хуульчдын холбоо нь шинэ тутам байгуулагдаж, хийж хэрэгжүүлэх олон ажил нэг дор бөөгнөрөн давхацсан зэргээс шалтгаалан энэ удаагийн тайлан оройтож хэвлэгдсэн ч дараа дараагийн жилийн тайланг дараа оныхоо нэгдүгээр улиралд багтаан хуульчдад хүргэдэг жишгийг тогтоон ажиллана.

Эрхэм хуульчид та бүхэн “Хуульчдын холбооны 2014 оны үйл ажиллагааны тайлан”-г Хуульчдын холбооны 503 тоотоос авч, тайлантай танилцана уу.

Холбоо барих утас: 70116995