Их Британи Умард Ирландын Нэгдсэн Вант Улсын Гадаад хэрэг, хамтын нөхөрлөлийн яам, Монгол Улсын Боловсрол, соёл, шинжлэх ухааны яамны хамтарсан "Чевнингийн сангийн хамтарсан тэтгэлэг” 2016-2017

Товч танилцуулга

2016 оны 9, 10 дугаар сард эхлэх хичээлийн жилд Их Британиийн Нэгдсэн Вант улсад Магистрт суралцах хүсэлтэй Монгол Улсын иргэдийг онлайн бүртгэлд хамрагдахыг урьж байна.

Их Британи болон Монгол Улсын Засгийн газрын хамтарсан энэхүү тэтгэлгээр тус улсууд өөрсдийн салбартаа нөлөө бүхий манлайлагч болох чадавхитай, Монгол Улсын ирээдүйд хувь нэмрээ оруулах хүсэл эрмэлзэл бүхий авъяаслаг, зорилготой залуучуудад хөрөнгө оруулах зорилготой болно. Тэтгэлгээр сургалтын төлбөр, замын зардал болон амьдрах зардал олгогдоно.  

Боломж

• Их Британийн өндөр чанартай боловсрол эзэмших
• Дипломын дараахь буюу Магистрийн зэрэг хамгаалах (MSc, MA, LLM, MBA)

Дараахь салбарт суралцах өргөдөл гаргагчид давуу байдал олгогдоно:

• Банк, санхүү
• Олон улсын эрх зүй
• Хүний эрх
• Нийтийн эрх зүй
• Хэвлэл мэдээлэл, сэтгүүл зүй
• Байгаль орчин, ногоон хөгжил
• Эрчим хүч, дэд бүтэц
• Мэдээлэл технологи
• Шинжлэх ухаан, технологи
• Уул уурхай
• Боловсрол

Тавигдах шаардлага:

• Өргөдөл гаргах үедээ Монгол Улсын иргэн байх, төгсөөд Монгол Улсдаа эргэж ирэх;
• Их Британийн дунд сургуулийн боловсролтой тэнцэх дунд сургуулийн боловсролтой байх;
• 2015 оны 9 дүгээр сарын байдлаар хоёр жил ажилласан эсвэл түүнтэй тэнцэх туршлагатай байх  
• Англи хэлний мэдлэгтэй байх (IELTS оноо 6.5-аас дээш байх. Хууль гэх зэрэг зарим курс IELTS-ийн 7-оос дээш оноотой байхыг шаардана)
• Өмнө нь болон одоогийн байдлаар дээрх Засгийн газрын өөр бусад төрлийн тэтгэлэгт хамрагдаагүй байх
• Өөрийн салбартаа гаргасан амжилт, давуу талаа нотлох
• Өргөдөл гаргагч тэтгэлэг хүртсэнээр Монгол Улсад ямар ашигтай байх талаар тодорхой санал дэвшүүлэх  
• Манлайлах боломжтой гэдгээ нотлох чадвартай байх

2016-2017 оны хичээлийн жилийн тэтгэлгийн бүртгэл 2015 оны 8 дугаар сарын 3-наас 2015 оны 11 дүгээр сарын 3-нийг хүртэл явагдана. Дараахь холбоосоор орж цахим бүртгэлд хамрагдана уу.  www.chevening.org/apply/

Тэтгэлгийн талаар дэлгэрэнгүй мэдээллийг www.chevening.org/mongolia/apply, www.meds.gov.mn

Бүртгэл 2015 оны 11 дүгээр сарын 3-ны өдөр үд дунд хүртэл үргэлжилнэ.