Монголын Хуульчдын холбоо, “Глоб интернэшнл” төв, Германы “Дойчэ вэллэ” академи хамтран “Хэвлэл мэдээллийн эрх зүйн асуудал:нэр төр гутаах, онлайнаар үзэл бодлоо илэрхийлэх ба өөрийн зохицуулалт” сэдэвт гурван өдрийг сургалтыг зохион байгуулж байна. Тус сургалтын нээлт өнөөдөр болсон бөгөөд нээлтэд Хуульчдын холбооны ерөнхийлөгч Б.Гүнбилэг, “Глоб интернэшнл” төвийн захирал Х.Наранжаргал, ““Дойчэ вэллэ” академийн төслийн зохицуулагч Эва Мээл нар оролцож үг хэллээ.

Сургалтаар “Эрх зүй ба ардчилал” төвийн гүйцэтгэх захирал Тоби Мендел “Олон улсын хэм хэмжээний тойм”, “Нэр төр гутаах: өмгөөлөл”, “Интернэтийн хүртээмжтэй байдал” сэдвээр, хуульч Б.Батзориг “Нэр төр гутаахтай холбоотой хэрэг: Монголын нөхцөл байдал” сэдвээр хуульч Л.Галбаатар “Монгол дахь интернэтийн зохицуулалт” сэдвээр, Хэвлэл мэдээллийн зөвлөлийн гишүүн Г.Гүнжидмаа “Монголын Хэвлэл мэдээллийн зөвлөлийн үйл явц” сэдвээр  хичээл заах юм байна.

Тус сургалтад  хамрагдсан хуульчдад хуульчийн үргэлжилсэн сургалтын 1.5 багц цагийг хангасанд тооцох ажээ.