Олон Улсын Улаан загалмайн хорооны Зүүн бүсийн төлөөлөгч Ричард Дегагне, хороо хариуцсан ажилтан Э.Энхтайван, Монголын Улаан загалмайн нийгэмлэгийн Удирдлага зохицуулалтын газрын дарга Ж.Пүрэвжав нар Монголын хуульчдын холбооны Гадаад харилцаа, хамтын ажиллагааны хэлтсийн дарга Ц.Арилдийпүрэв, мэргэжилтэн Н.Хишигсүрэн нартай уулзаж олон улсын хүмүүнлэгийн эрх зүйн дотоодын эрх зүйд хамааралтай онол практикийн болон гүйцэтгэх ажлын арга аргачлалын талаар Монголын хуульчдын гишүүн хуульчдын ур чадвар, мэдлэг, оролцоог нэмэгдүүлэх хоёр талын хамтын ажиллагааны боломжуудын талаар ярилцаж Санамж Бичиг байгуулахаар тохиролцлоо.

Ноён Ричард Дегагне нь Монголын Хуульчдын холбооны гишүүн хуульчдыг олон улсын сургалтад хамруулах, Улаан загалмайн нийгэмлэгт Pro bono хийх боломжийг нээх, олон улсын Moot Court шүүх хуралд  Монголын хуульчдыг оролцогчоор болон шүүгчээр урьж оролцуулан олон улсын туршлага судлах, ур чадвараа дээшлүүлэх бүрэн боломжтойг онцлон тэмдэглэлээ.

Монголын хуульчдын холбооны гадаад харилцаа, хамтын ажиллагааны хэлтсийн дарга Ц.Арилдийпүрэв, Олон Улсын Улаан загалмайн хорооны Зүүн бүсийн хуулийн зөвлөх Ричард Дегагне нар хамтын ажиллагаагаа хүмүүнлэгийн эрх зүйн конвенциуд болон бусад энэ төрлийн олон улсын конвенцийн хэрэгжилтийг Монгол улсад хангахад хуульчдын идэвхи, оролцоог нэмэгдүүлэхэд анхаарч ажиллаж хүсэлтэй байгаагаа илэрхийллээ.