2015 оны 11 дүгээр сарын 02-ны өдрийн техникийн зөвөлгөөний хурлаас гарсан шийдвэрүүд:

1.Бүх төрөл дээр жигд оноо өгч байхаар тогтож, одоогийн тэмцээнийг 9 оноогоор тооцохоор болсон.

2.Үндсэн хуулийн цэцээс тэмцээнд орох санал ирүүлж, техникийн зөвөлгөөний хурлаар Үндсэн хуулийн цэцийг тэмцээнд оролцуулахаар болсон.  

3.Багууд мэдүүлэг, бооцооны мөнгөө 2015 оны 11 дүгээр сарын 10-ны дотор Монголын Хуульчдын холбоонд ирүүлсэн байх шаардлагатай. Мэдүүлэгт нийгмийн даатгалын дэвтэрийн хуулбар, ажлын газрын үнэмлэх заавал хавсаргах.

4.Шатар: Талдаа 15 минутаар тойргоор тоглоно. 

5.Снукер биллъяард: Эрэгтэй тамирчид хэсгийн тоглолт 10 улаан, финал 15 улаан, эмэгтэй хэсгийн тоглолт 3 улаан финал 6 улаан, багийн тоглолт 6 улаанаар тоглохоор болсон.

6.Ширээний теннис: Хэсгийн тоглолт 3 партаар, хагас шигшээгээс 5 партаар тоглоно. 

Анхаарах зүйл: Бөмбөгөө гарнаасаа салгаж давуулахгүй бол эсрэг талд оноо өгнө. 

7.Сагсан бөмбөг: Цаг эрэгтэй тоглолт бохир 8 минут, эмэгтэй тоглолт бохир 6 минутаар тоглоно. 

Нэг баг 8-10 хүртэлх хүний мэдүүлэг өгч болно. Мэдүүлэгт ороогүй хүнийг тоглолтонд оруулахгүй. Багт лигийн тамирчин тоглож байгаа тохиолдолд тухайн байгууллагад 6 сараас дээш хугацаанд ажилласан байх шаардлагатай. 

8.Гар бөмбөг: Хэсгийн тоглолт 15 бөмбөгөөр, зооноос гарсан багийн тоглолт болон финалийн тоглолт 21 бөмбөгөөр тоглоно. 

- Торонд ямар нэгэн байдлаар хүрсэн тохиолдолд бөмбөг хураана.

- Дунд шугам гишгэж болно, бүтэн улаар даваад гишгэсэн тохиолдолд бөмбөг хураана.

- Давуулалтын нүүрний шугам гишгэсэн тохиолдолд бөмбөг хураана.

- Гарнаас давуулахгүй.

- Торны өндөр 2.35 метр байна.

- Тоглолтын дундуур байраа солих хүмүүс шүгэл дугарсаны дараа байраа солино.

- Арын бүсээс эсрэг баг руу бөмбөг дамжуулсан тохиолдолд хураана.

Тэмцээний хуваарийг татаж авах бол ЭНД дарна уу.