Хуульчийн эрх зүйн байдлын тухай хуулийн 49 дүгээр зүйлийн 49.7 дахь хэсэгт зааснаар Монголын Хуульчдын холбооны Өмгөөлөгчдийн хорооны тэргүүний бүрэн эрхийн хугацаа дуусгавар болсон.

    Үүнтэй холбогдуулж Монголын Хуульчдын холбооны Өмгөөлөгчдийн хорооны Удирдах зөвлөл 2015 оны 11 дүгээр сарын 27-нд хуралдаж тус хорооны тэргүүн сонгох асуудлыг хэлэлцэх хурлыг цахим хэлбэрээр явуулахаар шийдвэрлэсэн болно.

    Монголын Хуульчдын холбооны “Сайн дурын хороодын зохион байгуулалттай холбоотой нийтлэг журам”-д зааснаар тус хорооны хурлыг хуралдуулах шийдвэр гарснаас хойш 14-өөс доошгүй хоногийн дараа хуралдуулахаар заасныг баримтлан Хуульчдын холбооны www.mglbar.mn  цахим хуудсаар хорооны тэргүүнийг сонгох сонгуулийг 2015 оны 12 дугаар сарын 7-ноос 12 дугаар сарын 17-ны хооронд зохион байгуулахаар боллоо.  

    Өмгөөлөгчдийн хорооны тэргүүнд нэр дэвшүүлэх ажиллагааг 2015 оны 12 дугаар сарын 7-ны өдрийн 10:00 цагаас эхлүүлж, 2015 оны 12 дугаар сарын 11-ний 18:00 цагийн хооронд зохион байгуулах бол нэр дэвшигчдэд санал өгөх ажиллагааг 2015 оны 12 дугаар сарын 14-ний өдрийн 10:00 цагаас эхлүүлж, 12 дугаар сарын 17-ны өдрийн 18:00 цагт дуусгавар болгоно.

    Иймд Өмгөөлөгчдийн хорооны гишүүд та бүхэн өөрсдийн нууц кодоор www.mglbar.mn цахим хуудасны “Сонгуулийн цахим систем”-д нэвтрэн сонгуулийн үйл ажиллагаанд идэвхтэй оролцоно уу.

Холбогдох мэдээллийг 70116065, 99025467 дугаарын утсаар авна уу.

Зохион байгуулагч: Монголын Хуульчдын холбооны Өмгөөлөгчдийн хороо