Нээлттэй нийгэм формын хуулийн хөтөлбөр 21 аймаг, 9 дүүргийн нийт 30 Төрийн бус байгууллагын ажилтнуудыг сонгон шалгаруулж, 2015 онд шинээр батлагдсан Захиргааны ерөнхий хуулийг орон нутагт сурталчлах, энэ чиглэлээр сургалт зохион байгуулах чадавх олгох сургагч багш бэлтгэх сургалтыг 2015 оны 12 дугаар сарын 21-23-ны өдрүүдэд зохион байгуулахаар төлөвлөж байна.

  Сургалтад хамрагдах хүсэлтээ илэрхийлж, өргөдлийн маягт бөглөж ирүүлсэн ТББ-уудаас сонгон шалгаруулна. Нэг аймгаас зөвхөн нэг ТББ-ыг сургалтад хамруулна. Оролцогчийн  сургалт зохион байгуулах мэдлэг, ур чадварыг хэд хэдэн ТББ хамтран үнэлж, тодорхойлолт ирүүлбэл түүнийг сонгон шалгаруулахад давуу байдал болгож харгалзана. Тус сургалт Улаанбаатар хотноо ННФ-ын хурлын танхимд зохион байгуулагдана.

Сургалтад оролцохоор хүсэлт гаргагч нь дараах шаардлагыг хангасан байх:

• Тухайн орон нутагт байнга оршин суудаг байх

•  Тухайн орон нутгийн төрийн бус байгууллагын ажилтан байх

• Цаашид энэ чиглэлээр сургалт, сурталчилгаа зохион байгуулах боломжтой байх

• Сургалт болох хугацаанд Улаанбаатар хотод ирэх боломжтой байх 

Сургалттай холбоотой мэдээлэл, өргөдлийн маягтыг www.forum.mn цахим хуудаснаас авч үзнэ үү.

Өргөдлийн маягтыг татаж авах

Өргөдөл хүлээн авах сүүлийн хугацаа: 2015 оны 12 дугаар сарын 7-ны өдрийн 17:00 цаг

Өргөдөл хүлээн авах цахим хаяг: fellowship@forum.mn

Эх сурвалж: http://forum.mn/index.php?sel=content&obj_id=5131