Монголын хуульчдын холбоо

Монголын Хуульчдын холбоо

Mongolian Bar association

Утас

70116364

И-мэйл

info@mglbar.mn

Хуульч нэвтрэх

Менти нарын сэтгэгдэл

Хуульчийн мэргэжлийн шалгалтанд 267 эрх зүйч тэнцэж, Монголын Хуульчдын холбоо шинэ хуульчдаар эгнээгээ тэлэв

2022

Хуульчийн эрх зүйн байдлын тухай хууль батлагдаж, хуульч бүрийг нэгтгэсэн Монголын Хуульчдын холбоог хуулиар байгуулав.

2012

Сайн дурын гишүүнчлэлтэй Монголын Хуульчдын холбоо байгуулагдаж, анхдугаар Их хурлаа зохион байгуулав.

1960

Зохион байгуулалт

ИХ ХУРАЛ

Хуульчдын өөрөө удирдах ёсны эрх барих дээд байгууллага нь Хуульчдын их хурал байна. Их хурлын ээлжит хуралдаан хоёр жилд нэг удаа хуралдана. ХЭЗБтХ-ийн 46-р зүйл.

УДИРДАХ ЗӨВЛӨЛ

Зөвлөл нь холбооны өдөр тутмын үйл ажиллагааг удирдлагаар хангах, бодлогыг тодорхойлох чиг үүрэгтэй хамтын удирдлагын байгууллага байна. ХЭЗБтХ-ийн 48-р зүйл.

ЕРӨНХИЙЛӨГЧ

Ерөнхийлөгч нь хуульчийн хувьд манлайлагч, нэр хүнд, ёс зүйн хувьд үлгэр дуурайлал үзүүлэгч, хуульчдыг байр суурь, бодлогын хувьд илэрхийлэгч байна. ХЭЗБтХ-ийн 47-р зүйл.

ЧИГ ҮҮРГИЙН ХОРООД

Холбооны тодорхой (хуульд заасан) чиг үүргийг тусгайлан хариуцаж ажиллах хороодыг “Чиг үүргийн хороо” гэнэ. Хороо нь үйл ажиллагаагаа Зөвлөлд тайлагнана. ХЭЗБтХ-ийн 49-р зүйл.

САЙН ДУРЫН ХОРООД

Эрх зүйн салбар, мэргэшил болон тусгай асуудлаар холбооны гишүүд сайн дураараа нэгдэж хороо байгуулж болно. Хороог Холбооны зөвлөл батламжилна. ХЭЗБтХ-ийн 49-р зүйл.

ХЯНАЛТЫН ЗӨВЛӨЛ

Хяналтын зөвлөл нь Холбооны эд хөрөнгийн хуримтлал, зарцуулалт, санхүүгийн үйл ажиллагаанд хяналт тавих чиг үүргийг хэрэгжүүлэх бөгөөд 5 гишүүнтэй байна. ХЭЗБтХ-ийн 51-р зүйл.

ТАМГЫН ГАЗАР

Тамгын газар нь Холбоо, түүний Чиг үүргийн хороодын өдөр тутмын үйл ажиллагааг зохион байгуулж, бусад хороодын үйл ажиллагаанд дэмжлэг үзүүлнэ. ХЭЗБтХ-ийн 50-р зүйл.

СУДАЛГААНЫ ТӨВ

Хууль зүйн бодлогын чиглэлд судалгаа хийх нь Холбооны үндсэн чиг үүргийн нэг бөгөөд Холбооны дэргэд судалгаа, шинжилгээний бүтэц байж болно. ХЭЗБтХ-ийн 45, 59-р зүйл.

САЛБАР, НЭГЖҮҮД

Холбоо нь орон нутагт салбар, нэгжтэй байж болох бөгөөд салбар, нэгжийг байгуулах, татан буулгах бүрэн эрхийг Холбооны зөвлөл хэрэгжүүлнэ. ХЭЗБтХ-ийн 48-р зүйл.

Чиг үүрэг, үйлчилгээ

Шалгалтын зорилго нь хуульчийн мэргэжлийн үйл ажиллагаа эрхлэх эрх авахыг хүссэн этгээд хангалттай мэдлэг, чадвар эзэмшсэн эсэхийг тогтооход чиглэнэ. ХЭЗБтХ-ийн 7-р зүйл.

Хуульчдын мэдлэг, ур чадварыг нэмэгдүүлэх, хуульчийн үргэлжилсэн болон албан бус сургалтыг зохион байгуулах нь Холбооны үндсэн чиг үүрэг болно. ХЭЗБтХ-ийн 44, 45-р зүйл.

ГЭРЧИЛГЭЭ

Хуульчийн мэргэжлийн үйл ажиллагаа эрхлэх зөвшөөрөл авсан этгээд хуульч мэргэжлийн нэрийг хэрэглэх эрхтэй болох бөгөөд зөвшөөрлийг хугацаагүй олгоно. ХЭЗБтХ-ийн 19-р зүйл.

МЭРГЭШСЭН ХУУЛЬЧ

Хуульд заасан тодорхой шаардлагуудыг хангасан хуульч нь шүүхийн өмнө төлөөлөх чиглэлээрээ мэргэшсэн хуульч гэх нэршлийг хэрэглэж болно. ХЭЗБтХ-ийн 32-р зүйл.

МАГАДЛАН ИТГЭМЖЛЭЛ

Хууль зүйн сургууль Дээд боловсролын тухай хуульд заасан шаардлагаас гадна Хуульчдын холбооноос тогтоосон шаардлагыг хангасан байна. ХЭЗБтХ-ийн 58-р зүйл.

ЭРХ ХАМГААЛАЛ

Хуульчдын эрх, хууль ёсны ашиг сонирхлыг хамгаалах нь Холбооны үндсэн чиг үүрэг бөгөөд уг асуудлын хүрээнд чиг үүргийн хороо ажиллана. ХЭЗБтХ-ийн 45, 56-р зүйл.

БОДЛОГЫН СУДАЛГАА

Хууль зүйн шинжлэх ухааны хөгжлийг дэмжих, шүүхийн практик, хууль зүйн бодлогын чиглэлд судалгаа хийх нь Холбооны үндсэн чиг үүрэг болно. ХЭЗБтХ-ийн 45-р зүйл.

МЭДЭЭЛЭЛ, ТУСЛАЛЦАА

Мэргэжлийн чиглэлээр бодлогын нөлөөлөл, хуульчийн нийтэд тустай мэргэжлийн үйл ажиллагаа зохион байгуулах нь Холбооны үндсэн чиг үүрэг болно. ХЭЗБтХ-ийн 45-р зүйл.

ӨРГӨДӨЛ, ГОМДОЛ

Өргөдөл, гомдол нь Үндсэн хууль, бусад хуулийг зөрчих, бусдын эрх, эрх чөлөө, хууль ёсны ашиг сонирхлыг хохироох шинжтэй байж болохгүй. ИТБАТГӨГШтХ-ийн 8-р зүйл.

Хуульчийн тухай

ЭРХ ЗҮЙН БАЙДАЛ

Хуульчийн мэргэжлийн үйл ажиллагаа эрхлэх зөвшөөрөл авсан этгээд хуульч мэргэжлийн нэрийг хэрэглэх эрхтэй болно. Хуульч бүр Хуульчдын холбооны гишүүн байна. ХЭЗБтХ-ийн 19, 44-р зүйл

Хуульч нь мэргэжлийн үйл ажиллагаагаа үнэнч шударгаар гүйцэтгэж, нийтэд тустай мэргэжлийн үйл ажиллагааг сайн дураараа явуулахыг эрмэлзэнэ. ХЭЗБтХ-ийн 5-р зүйл.

Хуульч хуульд харшлахгүй арга хэрэгслээр хуульчийн мэргэжлийн үйл ажиллагаагаа явуулах бөгөөд үйл ажиллагаандаа бодитой хандана. ХЭЗБтХ-ийн 6-р зүйл.

ЭРХ, ҮҮРЭГ

Хуульч мэргэжлийн үйл ажиллагаа эрхлэхдээ Монгол Улсын Үндсэн хууль, бусад хууль тогтоомж болон Хуульчийн мэргэжлийн дүрэмд захирагдана. ХЭЗБтХ-ийн 26-р зүйл.

ХОРИГЛОХ ЗҮЙЛ

Хуульч мэргэжлийн үйл ажиллагаа явуулахдаа Монгол Улсын Үндсэн хууль, түүний үзэл санаа, хууль ёсны зарчмын эсрэг ажиллахыг хориглоно. ХЭЗБтХ-ийн 27-р зүйл.

ХАРИУЦЛАГА

Хуульч санаатай гэмт хэрэг үйлдсэн нь тогтоогдсон тохиолдолд Холбоо хуульчийн мэргэжлийн үйл ажиллагаа эрхлэх зөвшөөрлийг хүчингүй болгоно. ХЭЗБтХ-ийн 22-р зүйл.

Бусад мэдээлэл

ХАМТЫН АЖИЛЛАГАА

Хуульчдын холбоог гадаад, дотоод харилцаанд төлөөлөх бүрэн эрхийг Ерөнхийлөгч хэрэгжүүлэх бөгөөд үйл ажиллагааны зохион байгуулалтыг Тамгын газар хариуцна. ХЭЗБтХ-ийн 47, 50-р зүйл.

ХУУЛЬ ТОГТООМЖ

Холбооны хууль тогтоомж нь Үндсэн хууль, ХЭЗБтХ, хуульчийн мэргэжлийн үйл ажиллагаатай холбогдсон хууль тогтоомжийн бусад актаас бүрдэнэ. ХЭЗБтХ-ийн 2-р зүйл.

ШАГНАЛ, УРАМШУУЛАЛ

Хуульчдын холбоо нь шагнал, урамшуулалтай байж болох бөгөөд холбогдох харилцааг Зөвлөл журмаар зохицуулна. Монгол Хуульчдын холбооны дүрмийн 9.6-р зүйл.

Хуульч нэвтрэх