Монголын Хуульчдын холбооны 10 жилийн ойн хүрээнд зохион байгуулсан оны шилдэг хуульч шалгаруулах “Фемида 2023” ёслолын ажиллагаа 2023 оны 12 дугаар сарын 21-ний өдөр Улаанбаатар зочид буудлын Их танхимд ёслол төгөлдөр болж 2023 онд хүний эрх, эрх чөлөөг хамгаалах, хууль дээдлэх ёсыг бэхжүүлэх, хуульчийн мэдлэг, ур чадвар, ёс зүй, нэр хүндээрээ бусад хуульчдаа манлайлсан шилдэг хуульчдаа шалгарууллаа.
“Фемида 2023” ёслолын ажиллагаанд урилгаар Монгол Улсын Ерөнхийлөгчийн хууль зүйн бодлогын зөвлөх А.Бямбажаргал, Монгол Улсын Их хурлын Хууль зүйн байнгын хорооны дарга Д.Цогтбаатар, Азийн сангийн “Шүүх эрх мэдлийн хөтөлбөр”-ийн захирал Г.Гантулга, Нээлттэй нийгэм форумын “Эрх зүйн хөтөлбөр”-ийн менежер П.Бадамрагчаа, Олон улсын эрх зүйн хөгжлийн байгууллагын төслийн зохицуулагч С.Агьзул, Ханс Зайдел сангийн Монгол дахь суурин төлөөлөгч Феликс Гленк, Монгол Улсын Дээд шүүхийн шүүгч Б.Батцэрэн, Монголын Өмгөөлөгчдийн холбооны ерөнхийлөгч Л.Данзанноров, Монголын Нотариатчдын танхимын Ерөнхийлөгч Ч.Баянжаргал, Монгол Улсын их сургуулийн Хууль зүйн сургуулийн захирал Б.Амарсанаа, “Чимид сан”-гийн захирал Ч.Сайнсанаа зэрэг гадаад, дотоодын хамтран ажилладаг байгууллагын удирдлагууд оролцлоо.
2023 оны шилдэг хуульчдыг “Шилдэг хуульч-Эрдэмтэн”, “Шилдэг хуульч-Шүүгч, “Шилдэг хуульч-Прокурор”, “Шилдэг хуульч-Өмгөөлөгч”, “Шилдэг хуульч-Нотариатч”, “Шилдэг хуульч-Хуулийн зөвлөх”, “Шилдэг хуульч-Мэргэжилтэн”, “Шилдэг Про-боно хуульч”, “Шилдэг салбарын зохицуулагч”, “Шилдэг хуульч-Улсын өмгөөлөгч”, “Шилдэг залуу хуульч”, “Шилдэг өмгөөллийн нөхөрлөл”, “Шилдэг хороо” гэсэн 13 номинацид шалгаруулсан бол Монголын Хуульчдын холбооны 10 жилийн ойг тохиолдуулан оны шилдэг “Олон улсын шүүгч, “Олон улсын өмгөөлөгч”, “Ментор хуульч”, “Олон улсын хуульч”, “Ахмад хуульч”-аа тодрууллаа. Тодруулбал,
2023 оны “Шилдэг хуульч-Эрдэмтэн”-ээр МУИС-ийн Хууль зүйн сургуулийн Нийтийн эрх зүйн тэнхимийн ахлах багш, Хууль зүйн ухааны доктор Т.Золбоо
2023 оны “Шилдэг хуульч-Шүүгч”-ээр Нийслэл дэх Захиргааны хэргийн анхан шатны шүүхийн шүүгч. С.Ганбат
2023 оны “Шилдэг хуульч-Прокурор”-оор Нийслэлийн прокурорын газрын Хэрэг бүргэх, мөрдөн байцаах ажиллагаанд хяналт тавих II хэлтсийн дарга, хууль цаазын итгэмжит зөвлөх Г.Гэрэлтуяа
2023 оны “Шилдэг хуульч-Өмгөөлөгч”-өөр Өмгөөллийн "Эрх зүйн гүүр" ХХК-ийн партнeр, Гүйцэтгэх захирал Д.Оросоо
2023 оны “Шилдэг хуульч-Нотариатч”-аар Нотариатч, багш Х.Цогзолмаа
2023 оны “Шилдэг хуульч-Хуулийн зөвлөх”-өөр Олон улсын Грата Интернэшнл Монголиа Хуулийн фирмийн үүсгэн байгуулагч, Партнер, Гүйцэтгэх Захирал В.Болормаа
2023 оны “Шилдэг хуульч-Мэргэжилтэн”-ээр Нийслэлийн эрүүгийн хэргийн давж заалдах шатны шүүхийн Тамгын газрын хэргийн хөдөлгөөний удирдлагын 2-р хэлтсийн шүүгчийн туслах Б.Билгүүн
2023 оны “Шилдэг Про-боно хуульч”-аар Монголын Хуульчдын Холбооны Хуульчийн нийтэд тустай мэргэжлийн үйл ажиллагаа эрхлэх хорооны Удирдах Зөвлөлийн гишүүн Л.Энхсайхан
2023 оны “Шилдэг салбарын зохицуулагч”-аар Монголын Хуульчдын холбооны Увс аймаг дахь салбарын зохицуулагч Н.Энхжаргал
2023 оны “Шилдэг хуульч-Улсын өмгөөлөгч”-өөр Хууль зүйн туслалцаан төвийн Хан-Уул дүүрэг дэх салбарын улсын ахлах өмгөөлөгч Б.Баттулга
2023 оны “Шилдэг залуу хуульч”-аар Өмгөөллийн Легал Гайд хуулийн фирмийн хуульч, өмгөөлөгч Т.Мөнх-Очир
2023 оны “Шилдэг өмгөөллийн нөхөрлөл”-өөр өмгөөллийн “АНТА ПАРТНЕРС” ХХК
2023 оны “Шилдэг хороо”-гоор Монголын Хуульчдын холбооны Захиргааны эрх зүйн хороо тус тус шалгарлаа.
Хуульчдын холбооны 10 жилийн ой тохиож буй энэ онд Монголын Хуульчдын холбооноос оны шилдэг Олон улсын шүүгч, Олон улсын өмгөөлөгч, Олон улсын хуульч Ментор хуульч, Ахмад хуульчаа мөн алдаршуулав.
2023 оны шилдэг “Олон улсын шүүгч”-ээр Олон улсын эрүүгийн шүүхийн шүүгч Д.Эрдэнэбалсүрэн
2023 оны шилдэг “Олон улсын өмгөөлөгч”-өөр Олон Улсын Эрүүгийн Шүүхэд ахлах өмгөөлөгч Н.Орчлон
2023 оны шилдэг “Олон улсын хуульч”-аар Монголын Хуульчдын холбооны гишүүн хуульч, Америкийн Нэгдсэн Улсын “Андерсон энд Андерсон” бүтик хуулийн фирмийн Монгол дахь салбарын Партнер Х.Наранбулаг
2023 оны “Ментор хуульч”-аар Өмгөөллийн “FOM PARTNERS” ХХН-ийн гүйцэтгэх захирал бөгөөд судалгааны “Хөгжлийн Академи” ТББ-ын үүсгэн байгуулагч, Жүжү иогийн студийн үүсгэн байгуулагч Б.Баттуул
2023 оны шилдэг “Ахмад хуульч”-аар Монголын Хуульчдын холбооны Зөвлөлийн гишүүн, “Хууль судлал хөгжлийн төв” ТББ-ын тэргүүн, Шихихутуг их сургуулийн Судалгааны хүрээлэнгийн судлаач, багш В.Удвал нар тодорлоо.
Түүнчлэн Хуульчийн эрх зүйн байдлын тухай хууль батлагдаж Монголын Хуульчдын холбоо байгуулагдсаны 10 жилийн ойг тохиолдуулан холбооны үе үеийн Ерөнхийлөгч, Тамгын газрын дарга, ахмад ажилтнуудад хүндэтгэл үзүүллээ.
Монголын Хуульчдын холбооны Ерөнхийлөгчид
Тамгын газрын дарга, ахмад ажилтнууддаа хүндэтгэл үзүүлэв.
Оны шилдэг хуульч шалгаруулах “Фемида 2023” ёслолын арга хэмжээний үеэр төрийн дээд одон медаль, салбарын шагнал, Хуульчдын холбооны “Хүндэт тэмдэг”-ээр шагнагдсаныг гардууллаа. Тодруулбал, “Хөдөлмөрийн гавьяаны улаан тугийн одон”-гоор Монголын Хуульчдын Холбооны Хуульчийн нийтэд тустай мэргэжлийн үйл ажиллагаа эрхлэх хорооны Удирдах Зөвлөлийн гишүүн Лувсанчүлтэмийн Баярт, “Хөдөлмөрийн хүндэт медаль”-иар хуульч П.Ариунболд, П.Галбадар, Б.Цэрэнлхам нар шагнагдсан бол “Хууль зүйн албаны тэргүүний ажилтан хүндэт тэмдэг”-ээр хуульч Д.Амармөнх, Б.Даваажанцан нар шагнагдсаныг гардууллаа.
Түүнчлэн Монголын Хуульчдын холбооны “Хүндэт тэмдэг”-ээр Б.Энх-Амгалан, Б.Эрдэнэбадрах, Э.Ганхөлөг, Э.Цолмон, Б.Азжаргал нарыг шагналаа.
“Фемида 2023” ёслолын ажиллагаанд хүрэлцэн ирсэн хуульчдын дунд өмгөөллийн Узи сан, Херуга партнерс, Заяа энд Золоо, Эрх зүйн гүүр нөхөрлөлүүл болон Чимэд сангаас ивээн тэтгэсэн тус бүр 1 сая төгрөгийн сугалааны азтанг, азтан ширээг тодрууллаа.
